Thomas Gibson

Gibson er fæddur og uppalinn í Charleston í Suður-Karólínu. Leiklistarferill Gibsons byrjaði þegar hann var níu ára í Little Theater School áður en hann gerðist meðlimur Young Charleston Theater Company og The Footlight Players.^[1] Gibson stundaði nám við Charleston háskólann, ásamt því að vera nemi við Alabama Shakespeare Festival. Gibson yfirgaf háskólann eftir aðeins hálft annað ár, eftir að hafa fengið skólastyrk til þess að stunda nám við Julliard skólann og útskrifaðist þaðan með B.A.-gráðu árið 1985.

Gibson giftist Christine Gibson árið 1993 og saman eiga þau þrjú börn en þau búa í San Antonio í Texas.^[2]

Gibson kom fyrst fram í leikritinu A Map of the World hjá New York Shakespeare Festival. Gibson kom einnig fram í hlutverkum við Circle in the Square og Joseph Papps Shakespeare in the Park. Kom hann fram á Broadway með hléum næstu tíu árin í mismunandi hlutverkum.^[3]

Fyrsta hlutverk Gibsons í sjónvarpi var árið 1987 í þættinum Leg Work. Kom hann síðan fram í litlum hlutverkum í sjónvarpsþáttum á borð við As the World Turns, Caroline in the City, The Real Adventures of Johnny Quest og A Will of Their Own. Árið 1994 þá var Gibson boðið hlutverk í Chicago Hope sem Dr. Daniel Nyland sem hann lék til ársins 1998. Síðan árið 1997 þá fékk hann aðalhlutverkið í Dharma & Greg sem Greg Montgomery sem hann lék til ársins 2002. Gibson hefur síðan 2005 leikið eitt af aðalhlutverkunum í Criminal Minds sem Aaron Hotchner.

Fyrsta kvikmynd Gibsons var í Far and Away á móti Tom Cruise og Nicole Kidman árið 1992. Síðan þá hefur hann komið fram í kvikmyndum á borð við Barcelona, Men of War, Eyes Wide Shut þar sem hann lék aftur á móti Tom Cruise og Nicole Kidman, The Flinstones in Viva Rock Vegas, Jack the Dog og Come Away Home.

• 2001: Dharma & Greg - 2 þættir

Golden Globe

• 2000: Tilnefndur sem besti leikari í gaman/söngleikja seríu fyrir Dharma & Greg.
• 1999: Tilnefndur sem besti leikari í gaman/söngleikja seríu fyrir Dharma & Greg.

Satellite-verðlaunin

• 2000: Tilnefndur sem besti leikari í grín/söngleikja seríu fyrir Dharma & Greg.

Screen Actors Guild-verðlaunin

• 1997: Tilnefndur fyrir besta leikaralið í dramaseríu fyrir Chicago Hope.
• 1996: Tilnefndur fyrir besta leikaralið í dramaseríu fyrir Chicago Hope.
• 1995: Tilnefndur fyrir besta leikaralið í dramaseríu fyrir Chicago Hope.

Viewers for Quality Television-verðlaunin

• 1998: Tilnefndur sem besti leikari í gamanseríu fyrir Dharma & Greg.

• Fyrirmynd greinarinnar var „Thomas Gibson“ á ensku útgáfu Wikipedia. Sótt 5. nóvember 2011.
• Thomas Gibson á IMDb
• http://www.cbs.com/shows/criminal_minds/cast/406/?pg=1 Geymt 26 nóvember 2011 í Wayback Machine Thomas Gibson á Criminal Minds heimasíðunni á CBS sjónvarpsstöðinni
• http://www.tcm.com/tcmdb/person/70930%7C0/Thomas-Gibson/ Thomas Gibson á Turner Classic Movies heimasíðunni

• Thomas Gibson á IMDb
• Heimasíða Thomas Gibson Geymt 17 september 2019 í Wayback Machine
• Thomas Gibson á Criminal Minds heimasíðunni á CBS sjónvarpsstöðinni Geymt 26 nóvember 2011 í Wayback Machine
• Thomas Gibson á Criminal Minds wikiasíðunni