Stjórndreifing

Stjórndreifing (enska: devolution) kallast það fyrirbæri þegar ákveðnu framkvæmdar- og/eða löggjafarvaldi er með lögum fært frá miðstýringu ríkisvalds til staðbundinna lýðræðislegra samfélaga. Slíkt tíðkast nær eingöngu í einingarríkjum þar sem allt vald liggur samkvæmt stjórnarskrá hjá ríkisvaldi og getur löggjafinn sem dreifir valdinu dregið það til baka að eigin frumkvæði. Þekkt dæmi af stjórndreifingu á heimsvísu eru til dæmis í Bretlandi, þar sem þingið hefur veitt Skotlandi, Wales og Norður-Írlandi eigin þjóðþing sem fara meðal annars með eigin velferðar-, samgöngu- og menntamál.