Súmatra
Súmatra er eyja í Indónesíu. Hún er vestust Sundaeyja og stærsta eyjan sem tilheyrir Indónesíu að fullu. Eldvirkni er mikil vestan megin á eyjunni og stórir jarðskjálftar tíðir þar sem eyjan er vestast í Eldhringnum umhverfis Kyrrahaf. Flatarmál er um 473 000 km² og eru íbúar um 50 milljónir (2014). Medan er stærsta borgin og eru yfir 50 tungumál töluð á eyjunni. Kaffiframleiðsla er mikilvæg atvinnugrein.
Regnskógur er á Súmötru en hann hefur minnkað um helming á síðustu áratugum. Fjöll eru sunnan og vestan megin á eyjunni og er eldfjallið Kerinci hæsti punkturinn eða 3805 metrar.
Wikimedia Commons er með margmiðlunarefni sem tengist Súmötru.
