Lýðræðislegi sambandsflokkurinn

Lýðræðislegi sambandsflokkurinn (enska: Democratic Unionist Party, skammstöfun: DUP) er norðurírskur stjórnmálaflokkur sem styður breska sambandshyggju. Ian Paisley stofnaði flokkinn árið 1971 meðan á átökunum á Norður-Írlandi stóð og var leiðtogi flokksins í 37 ár. Núverandi leiðtogi flokksins er Jeffrey Donaldson. Hann er næststærsti flokkurinn á norðurírska þinginu og fimmti stærsti flokkurinn á breska þinginu. Eftir þingkosningar 2017 féllst flokkurinn á samkomulag við Íhaldsflokkinn, sem er í minnihlutastjórn, um að verja ríkisstjórnina.^[1]

Lýðræðislegi sambandsflokkurinn Democratic Unionist Party (DUP)
Leiðtogi	Gavin Robinson
Formaður	Maurice Morrow
Stofnár	30. september 1971
Höfuðstöðvar	Belfast, Norður-Írlandi
Stjórnmálaleg hugmyndafræði	Bresk þjóðernishyggja, breskt sambandshyggja, íhaldssemi
Einkennislitur	Rauður, hvítur, blár
Þing Norður-Írlands
Neðri deild breska þingsins (n-írsk sæti)
Vefsíða	www.mydup.com

DUP hefur sterk tengsl við Fríu öldungarkirkjuna í Ulster, kirkju sem Ian Paisley stofnaði. Á írska átakatímanum mótmælti flokkurinn öllum tilraunum til að leysa ágreininginn sem fólust í því að deila völdum með írskum þjóðernissinnum eða lýðveldissinnum. Auk þess hafnaði flokkurinn aðkomu írsku ríkisstjórnarinnar að norðurírskum stjórnmálum. Flokkurinn mótmælti Sunningdale-sáttmálanum árið 1973, sáttmála Bretlands og Írlands árið 1985 og Föstudagssáttmálanum árið 1998. Á níunda áratugnum tók flokkurinn þátt í stofnun nokkurra herþjálfunarsamtaka.

DUP er hægrisinnaður og félagslega íhaldssamur. Flokkurinn er andvígur fóstureyðingu og hjónabandi samkynhneigðra. DUP lítur á sig sem verjanda breska sambandsins og mótmælendatrúar á Norður-Írlandi. Flokkurinn er andvígur aðild Bretlands að Evrópusambandinu og studdi útgöngu þess í þjóðaratkvæðagreiðslu um málið.