Ísafjörður
66°04′N 23°07′V / 66.067°N 23.117°V
Ísafjörður er þéttbýlisstaður á Eyri við Skutulsfjörð í Ísafjarðardjúpi. Hann er þjónustumiðstöð sveitarfélagsins Ísafjarðarbæjar og er stærsti byggðakjarninn innan þess. Íbúar voru um 2.736 árið 2020.
Ísafjörður var einn þeirra 6 verslunarstaða á Íslandi sem fengu kaupstaðarréttindi árið 1786 (hinir voru Reykjavík, Akureyri, Eskifjörður, Grundarfjörður og Vestmannaeyjar) en missti þau árið 1816 til Grundarfjarðar (sem hafði verið sviptur þeim árið 1807). Bærinn endurheimti kaupstaðarréttindin árið 1866. Þá náði land kaupstaðarins yfir Eyrina og stóran hluta Eyrarhlíðar. Áður hafði það heyrt undir Eyrarhrepp. Kaupstaðurinn og hreppurinn sameinuðust aftur 3. október 1971, þá undir nafni Ísafjarðarkaupstaður[1].
Í júní 1994 bættist Snæfjallahreppur við sveitarfélagið[2] og í desember 1995 Sléttuhreppur[3][4] sem hafði þá verið í eyði í meira en fjóra áratugi.
Hinn 1. júní 1996 sameinaðist Ísafjarðarkaupstaður 5 öðrum sveitarfélögum á Vestfjörðum: Flateyrarhreppi, Mosvallahreppi, Mýrahreppi, Suðureyrarhreppi og Þingeyrarhreppi, undir nafninu Ísafjarðarbær[5][6].
Myndir
breyta-
Ísafjörður (1889)
-
Ísafjörður um 1900.
-
Eyrin og Ísafjarðarkirkja
-
Veitingahúsið Faktorshúsið í Hæstakaupstað
-
Eyri í Skutulsfirði. Mynd tekin úr Naustahvilft.
-
Gamla sjúkrahúsið, þar er nú bókasafn.
Tilvísanir
breyta- ↑ Sameining samþykkt, Morgunblaðið, 29. maí 1971, bls. 32
- ↑ Snæfjallahreppur sameinaður Ísafjarðarkaupstað, Sveitarstjórnarmál, 1. apríl 1994, bls. 93
- ↑ Lagt til á þingi að Sléttuhreppur sameinist Ísafirði, Morgunblaðið, 31. október 1995, bls. 8
- ↑ Mannfjöldi á Íslandi 1. desember 1995 eftir umdæmum og kyni (neðanmálsgrein 3), Hagtíðindi, 1. júní 1996, bls. 265-266
- ↑ Yfirgnæfandi meirihluti samþykkti sameininguna, Vestfirska Fréttablaðið, 6. desember 1995, bls. 3
- ↑ Stjórnsýslan dreifist, Morgunblaðið, 8. júní 1996, bls. 29