Naalakkersuisut

Naalakkersuisut, grænlenska landsstjórnin er handhafi framkvæmdavaldsins í stjórnkerfi grænlensku heimastjórnarinnar. Hún samsvarar ríkisstjórn í innanlandsmálum Grænlands og er landsstjórnarformaðurinn, Naalakkersuisut siulittaasuat, ígildi forsætisráðherra. Stjórnin situr í skjóli meirihluta landsþingsins, Inatsisartut, þar sem eiga sæti 31 fulltrúi.

Fyrstu landsþingskosningarnar á Grænlandi voru haldnar árið 1979 og eru þær að jafnaði á fjögurra ára fresti. Jonathan Motzfeldt úr Siumut, flokki jafnaðarmanna, varð fyrsti formaður landsstjórnarinnar. Núverandi formaður (2021) er Múte Bourup Egede úr Inuit Ataqatigiit.

• Múte B. Egede, landsstjórnarformaður
• Aqqaluaq B. Egede, sjávarútvegsmál
• Pele Broberg, utanríkismál-, viðskipti og umhverfismál
• Kirsten Fencker, heilbrigðismál
• Peter P. Olsen, menntamál, menning og kirkjumál
• Mimi Karlsen, félags- og vinnumarkaðsmál
• Naaja Nathanielsen, húsnæðismál, stjórn innviða, hráefnisframleiðsla og jafnréttismál
• Asii Chemnitz Narup, fjármál og innanríkismál
• Eqaluk Høegh, fjölskyldumál, málefni barna og dómsmál
• Kalistat Lund, varnar- og öryggismál og orkumál