Victoria Zárate Zurita

Victoria Zárate Zurita
Profesiono:	docisto, sindikalisto
Lando:	Hispania
Naskodato:	7 di oktobro 1893
Nasko-loko:	Madrid
Mortodato:	6 di decembro 1964
Morto-loko:	Lisboa, Portugal

Victoria Zárate Zurita^[1] esis docisto en skolo en Madrid. En 1918 el adheris la socialistala sindikato di docisti. En 1931 el kunlaboris en redaktado di docala programo, qua uzesis dal autoritati en la tota lando.

En 1931 el diskursis pri "Religio en la Skoli" por l'Ateneo di Madrid, en qua el luktis por la supreso di religiala docado en la skoli.

En 1933 el adheris a manifesto qua fondis l'Asociuro di Amiki dil Soviet-Uniono, kun Hispan intelekti quale Antonio Machado, Federico García Lorca, Clara Campoamor e Victoria Kent.

Ye la komenco di la Hispana interna milito, 1936, el membrigis su a la Komunistala Partiso. El lojis en Valencia. Kande el retrovenis a Madrid, ube el arestesis ed enkarcerigesis pos tormento. El kondamnesis a 12 yari en karcero. La karcero signifikis ke el ne plu darfis laborar en oficala skoli, nur kom privata docisto. En 1953 elua ficho rijudikesis e l'interdikto docar en oficala skoli abrogesis. Tamen, Madrid restis interdikita tereno por el. El ne aceptis la situeso e preferis lojar en Portugal. En mortis en Lisboa en 1963.

Kande Victoria komencis laborar kom docisto, en la duesma yardeko di la pasinta yarcento, el lernis Ido. En 1921 el adheris la Hispana Idista Societo en Madrid, di qua el esis membro di la direktanta komitato.