Edmond Halley

Edmond Halley (8 di novembro 1656 til 25 di januaro 1742; en la Juliala kalendario 29 di oktobro–14 di januaro) esis Angliana astronomo, geofiziko, matematikisto, meteorologiisto e fizikisto. Il esas nun konocata de la kometo a qua esas nomizita segun lua nomo, Kometo di Halley.

Il havis intereso pri matematiko ye fruo evo, e de 1673 il studiis ye la Universitato di Oxford. En 1675 il divenis helpanto di la unesma Rejala Astronomo John Flamsteed, e sucedis il en ta ofico en 1720.

En 1705 Edmond Halley, pos konsidero di astronomiala observi di la antea du yarcenti, konstatis ke ula sama kometo aparis ye periodo di 75 o 76 yari. Ca kometo ye 66 esis videbla de januaro til aprilo di ta yaro, ed ol havis perceptebla kaudo. Ol esis mencionata da Cassius Dio (Romana konsulo e historiisto, 150–235) e Suetonius Tranquillus (Romana historiisto, 69–122). Li skribis ke, dum la vivo di la imperiestro Vespasianus, kometo aparis dum longa tempo; la Romana populo pensis ke la aparo esas auguro di la morto di Vespasianus.