Peninsulo Yukatan

Yukatan esas peninsulo qua separas Karibia de la Gulfo di Mexikia. Ol jacas proxim la limito inter Nord-Amerika e Central Amerika. Olua tota surfaco amontas a 181 000 km². En la peninsulo jacas 3 Mexikiana stati: Yukatan, Kampeche e Quintana Roo. Anke jacas la norda parto di Belize e Guatemalana regiono El Petén.

La suli la peninsulo, ecepte en lua sudala porciono, konsistas ek kalkopetro harda, e havas poka fluvii e monti importanta. Dum yarmili, la pluvi pokope exkavis grandega trui en la kalkopetra roki, konocata kom cenotes, qui uzesis dal Maya por obtenar drinkebla aquo.

Norde de lua litoro, cirkume 7 km este de la portuala urbo Progreso, existas vilajeto di peskisti nomizita Chicxulub, ube on kredas ke 65 milion di yari ante nun falis grandega aerolito qua kreis kratero kun diametro di 180 km, e lor la quanto di polvo lansita che atmosfero kovris sunolumo dum tempo suficanta por mortigar granda arbori e produktar l'extingo di dinosauri. Dum l'unesma yarmilo d.K. la civilizuro Maya habitos la peninsulo. Lua monumenti, exemple en Chichén Itzá, nun esas turistal atraktivi.

Ultre Chichén Itzá, altra loki kun konstrukturi del epoko Maya, exemple Edzná, Calakmul, Becán, Uxmal, ed altri, ank esas importanta turistala atraktivi. Rivala urbi e balneyi, exemple Cancún, Playa del Carmen, San Francisco de Campeche, Tulum e l'insulo Cozumel, omni en Mexikia, anke aktraktas mili di viziteri omnayare.