[go: up one dir, main page]
Jump to content

Wb/nia/Filifi/1

Add links
From Wikimedia Incubator
< Wb | nia | Filifi
Wb > nia > Filifi > 1

Fangowai

[edit | edit source]

I. 1 Faulo zanura da'e ba Timoteo, enoni Keriso Yesu, ba ni'amoni'ö andrö, khö Keriso Yesu, fefu, si so ba Wilifi, awö zatua ba awö genoni.[1] 2 Yafalukha ami wa'ebua dödö ba fa'ohahau dödö, khö Namada Lowalangi, ba khö Zo'aya ya'ita, Yesu Keriso.[2]

Fangandrö saohagölö

[edit | edit source]

II. 3 U'andrö saoha gölö khö Lowalangigu, ero na itörö tödögu ami,[3] 4 lö mamalö-malö, ero mangandrö ndra'o; omuso dödögu, ba wangandrö andrö, salahimi fefu; 5 börö me no mitolo ba wangombakha turia somuso dödö andrö, i'otarai mböröta, irugi da'e. 6 Ba da'ö moroi, wa faduhu dödögu, samörögö mege halöŵö si sökhi andrö, ba dödömi, ba ifalua göi, irugi luo Keriso Yesu andrö.[4]

7 Si manö zi nangea dödögu khömi, me no so ami ba dödögu; ba faoma, he ba rategu andre, ba he ba wamaduhu'ö turia somuso dödö, ba ba wanga'aro'ö ya'ia, ba mo'urakha ami fefu, ba wa'ebua dödö andrö khögu. 8 Lowalangi sa zamaduhu'ö khögu, ha wa'aböldö omasido falukha khömi fefu, moroi ba dödö Keriso Yesu.[5]

9 Ba da'ö ni'andrögu, ena'ö itugu tedou na ba wa'omasimi andrö wa'aboto ba dödö, awö ngawalö wangila fefu;[6] 10 ena'ö mi'ila mitimba tödömi, hadia zi sökhi, ena'ö ohau-hau ami, ba ena'ö lö manendre ami, irugi luo Keriso andrö,[7] 11 ba ena'ö fahöna khömi mbua-bua wa'atulö dödö, si oroi Yesu Keriso, ba wamolakhömi Lowalangi, ba ba wanuno ya'ia.[8]

Si no göna ya'ia

[edit | edit source]

III. 12 Ba omasi ndra'o, na mirongo, ya'ami ira talifusö, wa no tobali abölö terongo duria somuso dödö, ba zi göna ndra'o andrö, 13 irege oroma rategu andre, khö Keriso, ba zaradadu andrö, ma'afefu, ba ba danö bö'ö fefu.[9] 14 Ba no ato dalifusö, si faduhu tödö, ba rategu andre, börö Zo'aya, ba no tedou wa lö aiwö ira, wangombakha taroma li Lowalangi, lö ata'u ira.

15 So sa göi ösa, zangombakha Keriso, soroi ba wa'afökhö dödö, ba me no omasi ira wasosota, ba so ösa, ba moroi ba wa'asökhi dödö. 16 Soroi ba wa'omasi, ba me no la'ila, famaduhu'ö turia somuso dödö halöŵögu andrö.[10]

17 Ba soroi ba wasosota, ba lö sökhi wangombakha'öra Keriso, me lawai lanönö rategu andre fa'afökhö.[11] 18 Ba hadia sa? Te'ombakha'ö sa atö Keriso, gofu he wisa, he ba waya-faya, ba he ba zi duhu ; ba da'ö omuso dödögu, ba lö zi lö omuso dödögu na dania. 19 U'ila sa, tobali fangorifigu da'ö dania, börö wangandrömi, ba fanolo Geheha Yesu Keriso andrö.[12]

20 Itörö wehulu dödögu andrö ba fanötönagu, wa sambalö lö'ö, saila ndra'o, wa lö'ö manö fa'aiŵö; si mane föna fefu, si manö göi iada'e, te'ebua'ö döi Keriso, ba mbotogu andre, he ba wa'auri, ba he ba wa'amate. 21 Fa'auri sa khögu Keriso, ba hare khögu wa'amate.

22 Ba na so nisöndragu, ba wa'auri ba mboto andre, ba lö u'ila, hezo nihalögu. 23 Ba no manufa manö dödögu, ba zi dua balö andrö: omasido mofanödo ba sodo khö Keriso; si sökhi sibai sa da'ö;[13] 24 ba abölö moguna, lö ahetado, ba mboto andre, börö ami.

25 Ba me faduhu dödögu ba da'ö, ba u'ila, lö ahetado, ba lö aefado khömi fefu, ba wamanöi ya'ami ba ba wangomusoi'ö tödömi, ba wamati.[14] 26 Ena'ö fahöna khömi mbörö wanuno ya'ami, ba khö Keriso, börö ndra'o, fangawuligu, na mangawulido zui khömi.[15]

Fangaro dödö

[edit | edit source]

IV. 27 Ba ha da'ö: mihaogö mbua-buami, si faudu ba duria somuso dödö andrö, khö Keriso, ena'ö abe'e ami, ha sambua gera-era, ha sara dödö, wanolo ba wanimba si fatuwu ba wamati ba duria somuso dödö andrö, he möido mufaigi ami, ba he lö ya'o, ba urongo he wisa khömi.[16]

28 Ba ena'ö lö'ö manö lakeani ami samadaö andrö; tandra wa'atekiko da'ö khöra, ba tandra wangorifi sa khömi, ba moroi ba Lowalangi da'ö.[17]

29 Noa sa tetehe khömi — fa'ebua dödö — mitaha wamakao, börö Keriso, tenga ha famati khönia,[18] 30 ba faoma wasöndratada, si no mi'ila khögu, ba nirongomi khögu iada'e.[19]

Famotokhi ba gahe

[edit | edit source]
  1. ↑ KorII 1:1 b.t.; HalZin 16:12
  2. ↑ Kol 1:2
  3. ↑ Rom 1:8 b.t.
  4. ↑ KorI 1:6-8
  5. ↑ Rom 1:9 b.t.
  6. ↑ Kol 1:9
  7. ↑ Rom 12:1,2; TesI 3:13
  8. ↑ FetI 1:7
  9. ↑ Faigi 4:22
  10. ↑ KorII 3:17
  11. ↑ TimII 1:8
  12. ↑ KorII 1:11
  13. ↑ KorII 5:8
  14. ↑ Faigi 2:24
  15. ↑ KorII 1:14
  16. ↑ Efes 4:1; Faigi 2:2; Yud 3
  17. ↑ TesII 1:4,5
  18. ↑ HalZin 5:41
  19. ↑ HalZin 16:22 b.t.; TesI 2:2

Fabaliŵa lala

[edit source]

Olayama Zura Filifi: 1 • 2 • 3 • 4

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Filifi/1&oldid=6229820"