Bantay Panay

Bantay Panay
Bantay Panay Lokasion idiay Filipinas
Kangatuan a punto
Kangato	501 m (1,644 ft) [1][2]
Listaan	Di aktibo a bulkan[1]
Nagsasabtan	13°43′23″N 120°53′35″E / 13.723°N 120.893°E / 13.723; 120.893Nagsasabtan: 13°43′23″N 120°53′35″E / 13.723°N 120.893°E / 13.723; 120.893
Heograpia
Lokasion	Luzon
Pagilian	Filipinas
Region	CALABARZON
Probinsia	Batangas
Heolohia
Kita ti bantay	Estratobulkan
Naudi a bimtak	Akintengnga a Pleistoseno

Ti Bantay Panay, ket napigsa a solpatariko nga estratobulkan idiay Filipinas.

Ti bantay Panay ket mabirukan idiay abagatan ti Danaw Taal, idiay probinsia ti Batangas, iti Rehion IV, isla ti Luzon, Filipinas.

Daytoy ket mabirukan idiay akin-abagatan a patingga ti Peninsula ti Calumpang a mangporma ti akinlaud a bangir ti Luek Batangas, iti latitud 13.723°N (13°43'24"N), longitud 120.893°E (120°53'36"E).

Ti Bantay Panay ket kabakiran, ababa, nga andesitiko nga estratobulkan, idiay akinlaud a bangir ti Luek Batangas, a mabalin a daytoy ket nagiwangan a kaldera a pinunno babaen ti baybay. Daytoy ket agtayag iti 501 metrro (1,644 kadapan) asl.

Ti naudi nga aktibidad ti panagbettak ket naipagarup a Pleistoseno, agarup a 500,000 a tawtawen ti napalabas.^[2]

Awan dagiti naipakasaritaan a panagbettak.

Ti kita ti bato ket kaaduan nga andesita, iti tektoniko ti Bantay Panay ket naisanglad iti pagsabtan ti dua a nangruna a rehional a pagduyosan, ti Lineamento ti Bataan ken ti Lineamento ti Palawan-Macolod.

Ti Luek Batangas, a mangiraman ti Bantay Panay ket mabalin a limned a kaldera,.

Ti Instituto ti Smithsoniano ket ilistana ti Bantay Panay a kas Pleistoseno - Pumaroliko.^[2]

Ti Instituto ti Filipinas iti Bulkanolohia ken Sismolohia (Phivolcs) ket ilistana ti Bantay Panay a kas di aktibo.^[1]

• Listaan dagiti aktibo a bulkan ti Filipinas
• Listaan dagiti mabalin nga aktibo a bulkan ti Filipinas
• Listaan dagiti di aktibo a bulkan ti Filipinas
• Instituto ti Filipinas iti Bulkanolohia ken Sismolohia
• Bulkan
• Singsing ti Apuy ti Pasipiko