Onocleaceae
| Onocleaceae | |
|---|---|
| |
| Taksonomia | |
| Pagarian: | Plantae |
| Klado: | Tracheophytes |
| Klase: | Polypodiopsida |
| Urnos: | Polypodiales |
| Sub-urnos: | Aspleniineae |
| Pamilia: | Onocleaceae Pic.Serm. |
| Dagiti henero | |
Ti Onocleaceae ket ti bassit a pamilia dagiti naindagaan a pako iti urnos ti Polypodiales.[1] Ti pamilia ket mabalin nga aglaon manipud iti maysa aginggana kadagiti uppat a henero dagiti onocleoids, a mangbukel kadagiti lima a sebbangan a kaaduan kadagiti amianan a temperado a klima. Dagiti uppat a henero: ti Matteuccia, Onoclea, Onocleopsis, ken ti Pentarhizidium ket mabalin a mairaman iti bugbugtong a henero ti Onoclea.[2]
Deskripsion
[urnosen | urnosen ti taudan]Dagiti kameng ti pamilia ket addaan kadagiti sumaganad a pakailasinan, mailasin babaen kadagiti napigsa a dimorpiko a saringit, a dagiti maitlogan a saringit manipud kadgiti di maitlogan a saringit. Dagiti risoma ket atiddog aginggana iti ababa a dumalapdap aginggana iti agpangato, ken sagpaminsan a stoloniferous (Matteuccia ken Onocleopsis). Dagiti bulong ket napigsa a dimorpiko ken ti pesiolo ket addaan kadagiti dua a baskular a reppet a maikaysa nga adayo iti bagi iti maysa a sukog kalasugan. Dagiti bulong ket pinnatifid wenno pinnado-pinnatifid. Awanan kadagiti urat wenno anastomosis, nga awanan kadagiti nairaman a babassit nga urat. Dagiti espora ket sukog bekkel, marakayumanggi aginggana iti berde. Dagiti sorus ket naabbonganda (sagpaminsan a nailet) babaen dagiti repleksado a naingpis a tuon dagiti para-igid, ken dagiti pay nakulanit, masansan nga umawan nga agpayso nga indusia.[1]
Taksonomia
[urnosen | urnosen ti taudan]Iti dati, dagiti dua a sebbangan iti henero ti Pentarhizidium ket naikeddengda idi a kameng ti Matteuccia, ngem ti henetiko a panagusig ket nangikeddeng a mangbukelda iti basalo a kabsat a klado iti amin a nabati a pamilia. Daytoy a pamilia ket naikeddengen babaen ti henetiko a panagusig nga asideg a maikuyog iti Blechnaceae, iti kaunegan dagiti klado dagiti pamilia a sagpaminsan nga ammo a kas ti Blechnales (a mangiraman kadagiti athyrioid a pako ken dagiti pay asplenioid a pako) (nupay kasta daytoy a klado ket masansan a matrato a kas parte ti urnos ti Polypodiales). Ti Matteuccia struthiopteris ket dati a naidasig babaen ti Dryopteridaceae, ken agdama pay laeng babaen ti USDA.[3]
Dagiti pilohenetiko a pannakikabagian
[urnosen | urnosen ti taudan]Ti sumaganad a kladograma para iti sub-urnos ti Aspleniineae (kas eupolypods II), a naibatay iti Lehtonen (2011),[4] and Rothfels & al. (2012),[5] ket mangipakita iti maysa a mabalin a pilohenetiko a pannakikabagian a pagbaetan ti Onocleaceae ken dagiti sabali a pamilia ti klado.
| Aspleniineae (eupolypodiales II) |
| ||||||||||||||||||||||||||||||||||||||||||||||||||||||
Dagiti sebbangan
[urnosen | urnosen ti taudan]Dagiti uppat a henero, nga agraman iti dagup dagiti lima a sebbangan, ket isu dagiti maawat.[6][7]
- Matteuccia
- Matteuccia struthiopteris (abestrus a pako) – adu a pannakaiwarwaras a mairaman iti Amianan nga Amerika, Europa, ken Asia
- Onoclea
- Onoclea sensibilis (sensitibo a pako) – Amianan nga Amerika ken akindaya nga Asia, a dagiti populasion ti Amerika ken Asia ket mabigbigan a kas dagiti naisangayan a kita
- Onocleopsis
- Onocleopsis hintonii – mabirukan iti maysa a maigawidan a sakup kadagiti nabasa a ginget ti bantay iti akin-abagatan a Mehiko ken Guatemala; adda met dagiti botaniko (a naipangpangruna ni Masahiro Kato) a mangikeddeng daytoy a sebbangan ti Matteuccia
- Pentarhizidium
- Pentarhizidium orientale – akindaya nga Asia aginggana iti ad-adayo ngem abagatan a kas ti Himalaya
- Pentarhizidium intermedium – Tsina aginggana iti India
Ti maysa a molekular a pilohenetiko a panagusig idi 2011 ket mangisingasing a dagiti uppat a henero ti Onocleacae ket asidegda unay nga agkakabagian ken mabalinda a mairaman babaen ti bugbugtong a henero ti Onoclea. Ti maysa a mabalin a piloheniko a pannakikabagian a pagbaetan dagiti sebbangan ti Onocleaceae (saan a signipikante dagiti linia dagiti kaatiddog) ket maipakita dita baba.[2] Ti panangidasig ti Pteridophyte Phylogeny Group idi 2016 (PPG I) ket mangitalinaay dagiti uppat a henero.[6]
| Onocleaceae |
| ||||||||||||||||||||||||||||||
Dagiti nagibasaran
[urnosen | urnosen ti taudan]- ^ a b Alan R. Smith; Kathleen M. Pryer; Eric Schuettpelz; Petra Korall; Harald Schneider; Paul G. Wolf (2006). "A classification for extant ferns" (PDF). Taxon. 55 (3): 705–731. doi:10.2307/25065646. Naiyarkibo manipud iti kasisigud (PDF) idi 2008-02-26. Naala idi 2019-10-08.
- ^ a b Maarten J. M. Christenhusz, Xian-Chun Zhang & Harald Schneider (2011). "A linear sequence of extant families and genera of lycophytes and ferns" (PDF). Phytotaxa. 19: 7–54.
- ^ US Department of Agriculture. Natural Resources Conservation Service. Matteuccia struthiopteris
- ^ Samuli Lehtonen (2011). "Towards Resolving the Complete Fern Tree of Life" (PDF). PLoS ONE. 6 (10): e24851. doi:10.1371/journal.pone.0024851. PMC 3192703. PMID 22022365. Naiyarkibo manipud iti kasisigud (PDF) idi 2012-08-08. Naala idi 2019-10-08.
- ^ Carl J. Rothfels; Anders Larsson; Li-Yaung Kuo; Petra Korall; Wen- Liang Chiou; Kathleen M. Pryer (2012). "Overcoming Deep Roots, Fast Rates, and Short Internodes to Resolve the Ancient Rapid Radiation of Eupolypod II Ferns". Systematic Biology. 61 (1): 70. doi:10.1093/sysbio/sys001. PMID 22223449.
- ^ a b PPG I (2016). "A community-derived classification for extant lycophytes and ferns". Journal of Systematics and Evolution. 54 (6): 563–603. doi:10.1111/jse.12229.
- ^ GJ Gastony & MC Ungerer (1997), "Molecular systematics and a revised taxonomy of the onocleoid ferns (Dryopteridaceae: Onocleeae)", American Journal of Botany, Botanical Society of America, 84 (6): 840–849, doi:10.2307/2445820, JSTOR 2445820, naiyarkibo manipud iti kasisigud idi 2010-06-26, naala idi 2019-10-08
Dagiti akinruar a silpo
[urnosen | urnosen ti taudan]