Colosseo
| Colosseo |
|---|
| instantia de: Roman amphitheatre[*], sito archeologic[*], attraction touristic[*], stadio, archaeological artifact museum[*], Italian national museum[*], historical civil building museum[*], Museum of the Italian Ministry of Culture[*] |
| parte de: archaeological park of Colosseum[*] |
 
|
|
|
| Patrimonio: Italian national heritage[*] |
| data de creation: 82 EC |
| sito web official: https://colosseo.it/area/colosseo/, https://colosseo.it/en/area/the-colosseum/ |
| Commons: Colosseum |
Le Colosseo[1], originalmente le Amphitheatro Flavian (latino: Amphitheatrum Flavium), es un grande amphitheatro elliptic situate in le centro del citate Roma, Italia. Illo es le amphitheatro le plus celebre edificate in le imperio roman e pote accommodar inter 50.000 e 75.000 spectatores. Illo es un del obras le plus celebre de architectura e ingenieria roman. Ben que ora partialmente ruinate per seismos e robatores de petra, le Colosseo remane como un icone de Roma imperial. Illo es anque un attraction touristic multo popular.
Historia
[modificar | modificar fonte]Su construction comenciava justo al est del Foro Roman inter 70 e 72 p.Chr. sub le imperator Vespasiano, e illo esseva completate in 80 p.Chr. sub Tito. Modificationes additional esseva facite durante le regno de Domitiano (81 a 96 p.Chr.). Le nomine "Amphitheatro Flavian" deriva del nomine familial del duo imperatores Vespasiano e Tito (Flavius).
Description
[modificar | modificar fonte]Le edificio forma un ellipse de 527 metros in diametro con axes que mesura 187,5 e 156,5 metros. Le arenas al interior mesura 86 x 54 metros, con un superficie de 3.357 m². Le altitude actual attinge 48,5 metros, ma originalmente illo arrivava a 52 metros.
Uso
[modificar | modificar fonte]Le Colosseo esseva usate pro multe spectaculos public e jocos traditional e remaneva in servicio usque le seculo VI. Spectaculos organisate durante su servicio includeva chassas de animales salvage, concursos de gladiatores, executiones public, simulationes de battalias naval (naumachias), reconstructiones de battalias celebre e dramas basate super mythologia classic. Le uso del edificio pro intertenimento finalmente cessava in le alte medievo. Illo esseva depost reusate pro propositos varie, como habitationes, officinas, le sede pro ordine religiose, un fortalessa e un reliquario christian.
Patrimonio Mundial
[modificar | modificar fonte]Le Colosseo, como tote le centro historic de Roma, le zona extraterritorial del Sancte Sede in Italia e le Basilica de Sancte Paolo foras le muros, es parte del lista del Patrimonio Mundial del UNESCO in 1980. In 2007 le complexo anque esseva inserite inter le Nove septe meravilias del mundo, como resultato de un concurso organisate per New Open World Corporation (NOWC).
Stato actual
[modificar | modificar fonte]Hodie su condition appare preoccupante, viste que studios de su structuras ha evidentiate ultra 3.000 lesiones e un expandite stato de fissuras. In ultra, in 2012 on ha discoperite inclinationes de 40 cm del structuras, probabilemente a causa de un cedimento del platto de fundation, sur le qual illo reposa.