Bow Wow
Շեդ Գրեգորի Մոս (մարտի 9, 1987[1], Կոլումբուս, ԱՄՆ, ավելի հայտնի է Bow Wow անվանմամբ (նախկինում՝ Lil' Bow Wow)), ամերիկացի ռեփեր և դերասան։ 13 տարեկան հասակում Lil Bow Wow կեղծանվամբ թողարկել է իր դեբյուտային ալբոմը Beware of Dog անվանմամբ։ 2003 թվականին նա թողարկում է իր երրորդ ալբոմը՝ «Unleashed» անվանմամբ, սակայն այս անգամ կեղծանունն օգտագործում է առանց Lil' նախդիրի (Bow Wow)[2]:
| Bow Wow | |
|---|---|
 Bow Wow-ն 2009 թվականին | |
| Հիմնական տվյալներ | |
| Բնօրինակ անուն | Bow Wow |
| Ի ծնե անուն | Շեդ Գրեգորի Մոս |
| Նաև հայտնի է որպես | Lil' Bow Wow |
| Ծնվել է | մարտի 9, 1987[1] (37 տարեկան) Կոլումբուս |
| Երկիր |  ԱՄՆ |
| Ժանրեր | հիփ հոփ |
| Մասնագիտություն | Ռեփեր հագուստի դիզայներ արտիստների ելույթների մասնավոր կազմակերպիչ |
| Գործիքներ | վոկալ |
| Գործունեություն | 1999 թվականից - այժմ |
| Լեյբլ | |
| Կրթություն | Laurel Springs School? |
| Կապված | T-Pain, Սիարա, Jo-Jo, Քրիս Բրաուն, Soulja Boy, Snoop Dogg |
| Կայք | bwapparel.com |
 Bow Wow Վիքիպահեստում | |
Թողարկումից կես տարի անց ալբոմը դարձավ բազմապլատինե։ Հետագա տարիներին նա թողարկում է ևս երեք ալբոմ։ 2005 թվականին թողարկեց իր «Wanted» ալբոմը, 2006-ին «The Prince of Farm» և 2009 թվականին «Geile Traume» ալբոմները։ Իսկ 2007 թվականին, համագործակցելով Օմարիոնի հետ, նրանք համատեղ ձայնագրում են «Face Off» ալբոմը։
Bow Wow-ի առաջին ֆիլմը եղել է «Ամեն ինչ Բենջամինների մասին» ֆիլմը, որտեղ նա նկարահանվել է էպիզոդիկ դերում։ Նույն տարում Bow Wow նկարահանվում է «Like Mike» ֆիլմի գլխավոր դերում, 2005 թվականին «Roll Bounce» ֆիլմում, իսկ 2006 թվականին նա նկարահանվում է «Եռակի ֆորսաժ։ Տոկիոյի դրիֆթ» ֆիլմում՝ որպես օժանդակ ուժ։ Bow Wow-ն հայտնվել է նաև Անտուրաժ բազմասերիանոց ֆիլմի հինգ դրվագներում։ Ներկայումս աշխատում է իր նոր՝ «Underrated» խորագրով ալբոմի վրա։
Կենսագրություն և երիտասարդություն
խմբագրելBow Wow-ը ծնվել է ԱՄՆ-ի Օհայո նահանգի Կոլումբուս քաղաքում՝ Թերեզա Քոլդվելիի և Ալֆոնսո Մոսսայի ընտանքիում, որին նա երբեք չի տեսել[3]։ Երեք տարեկան հասակից նա սկսեց հետաքրքրվել երաժշտությամբ, մասնավորապես՝ ռեփով։ «Kid Gangsta» մականունով նա վեց տարեկանից ուղղակի զվարճանալու համար արդեն ռեփ էր կարդում։ 1993 թվականին նա համերգով հանդես է գալիս Լոս Անջելեսում, որտեղ աչքի է ընկնում ռեփեր Սնուփ Դոգի կողմից, ով էլ իրեն հետագայում կնքեց «Lil Bow Wow» անունը[4]։ «Bow Wow»-ը թարգմանաբար նշանակում է շան հաչոց և արտասանելիս ստացվում է «հաֆ-հաֆ»։ Dr. Dre-ն համագործակցության պայմանագիր է կնքում նրա հետ Death Row Records-ում։ Շուտով Lil Bow Wow-ն նմանակում է Snoop Dogg-ի Doggystyle դեբյուտային ալբոմում և նրա «Gine and Juce» տեսահոլովակում[5]։
Երաժշտական կարիերա
խմբագրելBeware of Dog (1998-2001)
խմբագրել1998 թվականին՝ 11 տարեկան հասակում, Bow Wow-ը հանդիպել է ձայնագրող-ռեժիսոր Ջերմեյն Դյուպրիի հետ, ով օգնում է իրեն կառուցել իր երաժշտական կարիերան։ Արդեն 13 տարեկան հասակում՝ 2002 թվականին, նա դեբյուտել է իր առաջին ալբոմը, Beware of Dog անվանմամբ՝ Lil Bow Wow կեղծանվամբ։ Ալբոմի առաջին սինգլն է «Bounce With Me», որը ձայնագրվել է Xscape խմբի հետ համատեղ։ Ալբոմը ներառում է նաև Snoop Dogg-ի (ով ներկայումս ունի Rap-ի ամենաբարձր վարկանիշը) հետ համագործակցության արդյունքում ստեղծված «Bow Wow (Thats My Name)» կոմպոզիցիան[6]։ Ինչպես նաև «Puppy Love» և «Ghetto Girls» սինգլները։ 2001 թվականի մարտի 5-ին Recording Industry Association of America ընկերությունը պարգևատրում է «Beware of Dog»-ին երկպլատինե սկավառակներով, որը նշանակում էր, որ այդ ալբոմը պետք է թողարկել 2 միլիոն օրինակով[7]։
Doggy Bag և «Like Mike» (2002)
խմբագրել2002 թվականին նա թողարկում է իր երկրորդ ալբոմը Doggy Bag անվանմամբ հետևյալ սինգլներով. «Take Ya Home» (Jagged Edge-ի համատեղ), որը գլխավորում է Hot 100 և Hot R&B/Hip-Hop Song վարկանշային աղյուսակը, և իր «Thank You»-ն զբաղեցնում է R&B վարկանշային աղյուսակում առաջին հորիզոնականը[6]։ «Doggy Bag» ալբոմը զբաղեցրել է 11-րդ հորիզոնականը Billboard 200 և երկրորդ հորիզոնականը R&B/Hip-Hop Albums-ում[6] և ճանաչվեց պլատինե[7]։ 2002 թվականի ապրիլին, Bow Wow-ն իր սցենարային անունից հանեց «Lil» նախդիրը։ MTV News-ին հարցազրույցի ժամանակ նա ասել է.
| «Ես փոխել եմ իմ անունը, որովհետև կարծում եմ, որ արդեն իսկ ձեռք եմ բերել մեծ փորձ, և նախդիրը դարձել է ավելորդ։ - Bow Wow[8]
|
Unleashed (2003-2004)
խմբագրելԱռաջին ալբոմը, արդեն վերանվանված՝ «Unleashed» անվանմամբ, թողարկվել է 2003 թվականին։ Ալբոմի առաջին սինգլն ուներ «Let’s Get Down» անվանումը, որը ստեղծվել է Birdman-ի հետ համագործակցության արդյունքում։ Սինգլի հիմնադիրն է Cash Money Records-ը։ Այն զբաղեցրել է 14-րդ հորիզոնականը Hot 100-ում և 6-րդ հորիզոնականը Hot Rap Tracks-ում։ Ալբոմի թողարկումից հետո երկրորդ սինգլն ուներ «My Baby» անվանումը, որը ստեղծվել է Jagged Edge-ի հետ համագործակցության արդյունքում։ Այս ալբոմը, ի տարբերություն նախորդ ալբոմի, առաջինն էր, որ թողարկվել էր առանց Դյուպրի Ջերմեյն ղեկավարության։ Ալբոմի պատրաստմանը մասնակցել էին այնպիսի աստղեր, ինչպիսիք էին. Jagged Edge-ն, Birdman-ը, Մարիոն և Amerie-ն։ Unleashed-ը 2003 թվականի սեպտեմբերի 25-ին ձեռք է բերել ոսկե կարգավիճակ[7]։ 2004 թվականին ռեմիքսի համար Bow Wow հրավիրել է Jo-Jo-ին «Baby It’s You» սինգլի համար։
Wanted (2005)
խմբագրելWanted album-ը թողարկվել է 2005 թվականին։ Ալբոմի առաջին սինգը ստեղծվել է Օմարիոնի աջակցության և ունեցել է «Let Me Hold You» անվանումը։ Այն զբաղեցրել է Rap վիճակագրությունում 1-ին հորիզոնականը և 4-րդը Hot 100 վիճակագրությունում։ Հաջորդ սինգլն ուներ «Like You» անվանումը, որի նկարահանումներին մասնակցել է Սիարան, որը և սկիզբ դարձան Bow Wow-ի և երգչուհու հարաբերություններին[9]։ «Fresh Azimiz» սինգլը, որը նկարահանվել է J-Known-ի և Դյուպրիի Ջերմեյն հետ համագործակցության ժամանակ, զբաղեցրել է 23-րդ հորիզոնականը Hot 100-ում և 6-րդ հորիզոնականը Hot Rap Tracks վիճակագրությունում[6]։ Ալբոմը ճանաչվել է պլատինե[7]։ Ռեմիքսի ձայնագրման համար, որն ուներ «I Think They Like Me» անվանումը, նա հրավիրեց Dem Franchize Boyz-ին։ Այն զբաղեցրել է 15-րդ հորիզոնականը Hot 100 վիճակագրությունում և 1-ինը Hot Rap Tracksում։
The Price of Fame և Face Off (2006-2007)
խմբագրել2006 թվականին «The Price of Fame» ալբոմում թողարկվեց գլխավոր սինգլը՝ «Shortie Like Mine» անվանմամբ։ Այն ստեղծվել է Քրիս Բրաուն-ի հետ համագործակցության արդյունքում և հաջորդաբար գրավել 9-րդ գորիզոնականը Hot 100-ում և 1-ինը Hot Rap Tracks վիճակագրությունում[6]։ «Outta My System» երաժշտական կլիպը, որը ստեղծվել է T-Pain-ի հետ համատեղ, դարձել է Bow Wow-ի և Սիարայի հետ կապերի խզման պատճառը[10]։ Ալբոմին հաջողվել է գրավել 22-րդ հորիզոնականը ըստ Hot 100-ի վիճակագրության և 2-րդ հորիզոնականը ըստ Rap-ի վիճակագրության[6]։ The Price of Fame ալբոմը ճանաչվել է ոսկե[7]։ Bow Wow-ի և Օմարիոնի համագործակցության արդյունքում 2007 թվականին դեկտեմբերի 11-ին ստեղծվեց իրենց համատեղ ալբոմը, որն ուներ Face Off անունը։ Առաջին երաժշտական երկը նրանց ալբոմը եղել է «Girlfriend»-ը, որը զբաղեցրել է 33-րդ հորիզոնականը Hot 100 վիճակագրությունում։ Ալբոմի երկրորդ սինգլն ուներ «Hey Baby (Jump Off)» անվանումը[6]։
New Jack City Part II (2008-2009)
խմբագրել2008 թվականի հոկտեմբերին՝ ԱՄՆ-ի նախագահության ընտրությունների ժամանակ, Bow Wow-ն այցելել է 15 քաղաքներ և ներկայացել «Walk Across America» (հայերեն՝ Շրջագայիր Ամերիկայով) երգով և սկսել է քարոզարշավ նոր թեկնածուներին քվեարկելու համար[11]։ Նույն թվականին նա թողարկում է «Half Man, Half Dog Vol 1.» միքսթեյփը։ 2009 թվականի փետրվարին միքսթեյփի շարունակությունը թողարկվել է որպես Half Man, Half Dog Vol 2.[12]: «New Jack City»-ն նրա 6-րդ ալբոմն է, որը թողարկվել է 2009 թվականի մարտին, առաջինն էր, որն իր մեջ պարունակում էր Parental Advisory (հայերեն՝ Ուշադրություն ծնողներին՝ չնայած բառապաշարին)։ Սթիվեն Ռոբերթսը՝ MTV News-ի հաղորդավարը նշել է, որ այս ալբոմում հետազոտվում է « աղքատ քաղաքներում կոկաինի ազդեցությանը» խնդիրը[13]։ Մինչ այդ Bow Wow-ն թողարկել է ևս երեք պրոմո սինգլներ, դրանք են՝
- «Marco Polo», որը թողարկվել է Soulja Boy Tell 'Em-ի հետ համագործակցության արդյունքում,
- «Big Girls»,
- «Roc The Mic»:
Առաջին պաշտոնական սինգլը, որն ուներ «You Can Get It All» անվանումը, ստեղծվել է Johnta Austin-ի հետ համագործակցության արդյունքում և զբաղեցրել 55-րդ հորիզոնականը Hot 100-ում և 9-րդը Hot 100 Rap Tracks-ում[6]։ Ալբոմի ստեղծմանը մասնակցել են այնպիսի աստղեր, ինչպիսիք են. Դրեյքը, Լիլ Ուեյնը և Birdman-ը։
Who Is Shad Moss? (2010-ից - մինչև այսօր)
խմբագրելՆրա թվով ութերորդ ալբոմը նախատեսված էր թողարկել 2011-ին կամ 2012-ին, հետագա մանրամասները իր գործունեության վերաբերյալ հայտնի չեն[14]։ Սակայն նա ասել է, որ իր հաջորդ ալբոմի թողարկմանը ներկա կլինի Lil Wayne-ն, Birdman-ը, Drake-ը և Soulja Boy-ը։ Ալբոմի առաջին սինգլը կդառնա «Put That on My Hood» անվանմամբ սինգլը, որի թողարկումը կլինի DJ Khaled-ի և Sean kingston-ի հետ համատեղ[15]։
Դերասանական կարիերա
խմբագրելBow Wow-ն բազմիցս ասել է, որ հեռանալու է երաժշտական բիզնեսից դեպի կինո։ Այդ կատարողի ուսերի հետևում մի քանի ֆիլմեր են և ինչպես կարծում են շատերը, նա լավ դերասանի ունակություններ ունի[16]։ Bow Wow-ն առաջին անգամ հայտնվել է հեռուստատեսությունում Brandy կատակերգության ժամանակ, միևնույն ժամանակ նաև «Սթիվեն Հարվիի շոուն»-ում։ Իր առաջին գլխավոր դերը կատարել է «Ինչպես Մայքը» ֆիլմում, որը մեծ էկրաններ է բարձրացել 2002 թվականի հունիսի 3-ին, որտեղ նա, լինելով որբ, դառնում է ՆԲԱ-ի աստղ՝ թիմի լավագույն ռմբարկու։ Մինչ «Ինչպես Մայքը» (անգլ.՝ Like Mike) ֆիլմում նկարահանվելը, նա կատարել է էպիզոդիկ դեր «Ամեն ինչ Բենջամինների մասին» և «Քարմեն։ Հիփ Հոփերա» (անգլ.՝ Carmen: A Hip Hopera) ֆիլմերում։ Bow Wow-ն նկարահանվել է նաև այլ հայտնի դերասանների հետ ինչպիսիք են Անտոնիո Քեյլսոնը (անգլ.՝ Cedric the Entertaner), Վանեսսա Լ. Ուիլիամսը (անգլ.՝ Vanessa L.Williams) և Սոլոնժ Նոուլսը (անգլ.՝ Solange Knowles) «Ջոնսոնի ընտանեկան արձակուրդը» ֆիլմում։ «Ինչպես Մայքը» ֆիլմում, հասնելով հաջողությունների, Bow Wow-ն խաղում է այդպիսի այլ հոլիվուդյան ֆիլմերում, ինչպիսիք են. «Եռակի ֆորսաժ։ Տոկիոյի դրիֆթ» «Ռոլլերներ» և «Փոթորկոտ սեզոն» ֆիլմերում[17][18]։ Իսկ որպես հյուր՝ նա մասնակցել է «Սմոլվիլյայի գաղտնիքները» և «Բեթթի տգեղ աղջիկը» ֆիլմերում։ 2010 թվականին նրա վերջին գլխավոր դերերից է եղել «Վիճակախաղի տոմսը» ֆիլմում նրա կերտած Քևին Քարսոնի կերպարը, որը ստեղծվել է Ice Cube հետ համատեղ[19]։
Անձնական կյանք
խմբագրել2003 թվականին Bow Wow-ն սկսեց հանդիպել R’n’B երգչուհի Սիարայի հետ, բայց նրանք վերջնականապես խզեցին իրենց կապերը 2006 թվականի ապրիլին[20][21]։
2011 թվականի ապրիլի 27-ին մոդելից ծնվեց նրանց աղջիկը։
Ներկայումս ռեփերը հանդիպում է հեռուստատեսային դեմք և մոդել Էրիկա Մենայի հետ։
Ալբոմներ
խմբագրել- Beware of Dog (2000)
- Doggy Bag (2001)
- Unleashed (2003)
- Wanted album (2005)
- The Price of Fame (2006)
- New Jack City II (2009)
- Underrated (2015)
Համագործակցությանն արդյունքում ստեղծված ալբոմներ
խմբագրելՖիլմագրություն
խմբագրել| Ֆիլմեր | |||
|---|---|---|---|
| Թվական | Անվանում | Դեր | Պաշտոն |
| 2001 | Կարմեն։ Հիփ Հոփեր | Կարճատև դեր | |
| 2002 | «Ամեն ինչ Բենջամինների մասին | Կարճատև դեր | |
| 2002 | Ինչպես Մայքը | Քելվին Քեմբրիջ | Գլխավոր դեր |
| 2004 | Ջոնսոնների ընտանեկան հանգիստը | Դ. Ջոնսոն | |
| 2005 | Ռոլլեր | Հավեր «Իքս» Սմիթ | |
| 2006 | Եռակի ֆորսաժ։ Տոկիոյի դրիֆթ | Թվինկի | |
| 2009 | Փոթորկոտ սեզոն | Հարի Դևիս | |
| 2010 | Վիճակախաղի տոմս | Քևին Քարսոն | Գլխավոր դեր |
| 2010 | Ընտանեկան ծառ | Թի Բոյ | Գլխավոր դեր |
| Հեռուստատեսություն | |||
| Թվական | Անվանում | Դեր | Էպիզոդ |
| 2001 | Մոյեշա | Ռեյ | «Սա իմ մայրիկն է»(անգլ.՝ "That's my mama") | |
| 2006 | Սմովիլլիայի գաղտնիքները | Բյորն | «Կորուստ»(անգլ.՝ "Fallout") | |
| 2008 | Բեթի տգեղ աղջիկը | Ինքն իրեն | «Արհամարհել» (անգլ.՝ "Zero worship") |
| 2008 | Անտուրաժ (հեռուստասերիալ) | Չարլի | |
| 2015 | CSI: Cyber | Նելսոն | |
Տես նաև
խմբագրելԾանոթագրություններ
խմբագրել- ↑ 1,0 1,1 Internet Movie Database — 1990.
- ↑ «Some facts, lil' and big, about Bow Wow - Scene blog - al.com». blog.al.com. Արխիվացված է օրիգինալից 2009 թ․ ապրիլի 16-ին. Վերցված է 2015 թ․ դեկտեմբերի 8-ին.
- ↑ «Shad 'Bow Wow' Gregory Moss» Yahoo! Movies. Retrieved 2009-01-09
- ↑ «Lil' Bow Wow: Puppy Power (Page 2)»(չաշխատող հղում) MTV News. 2000-09-01. Retrieved 2009-01-11.]
- ↑ Harvey, Alec (2008-06-20) title= Some facts, lil' and big, about Bow Wow Արխիվացված 2009-04-16 Wayback Machine Jet. Retrieved 2009-01-10.
- ↑ 6,0 6,1 6,2 6,3 6,4 6,5 6,6 6,7 Wow > Charts & Awards > Billboard Albums"(չաշխատող հղում) allmusic. Retrieved 2009-04-11.
- ↑ 7,0 7,1 7,2 7,3 7,4 «Gold & Platinum (Bow Wow albums)»(չաշխատող հղում) RIAA. Retrieved 2009-04-11.]
- ↑ Reid, Shaheem (2002-04-04). «Bow Wow Drops The Lil', Collars Tour Dates» Արխիվացված 2010-09-24 Wayback Machine MTV News. Retrieved 2009-04-11.
- ↑ «Got Questions About Bow Wow And Ciara? Watch Their Video». MTV News. Արխիվացված է օրիգինալից 2010-04-20-ին. Վերցված է 2015 թ․ դեկտեմբերի 8-ին.
- ↑ Reid, Shaheem (2007-01-30). «Bow Wow Can’t Get His Mind Off An Ex (Ciara?) In New Single» Արխիվացված 2010-01-11 Wayback Machine MTV News. Retrieved 2009-04-11.
- ↑ «Bow Wow Gets Out The Vote One Step At A Time With Walk Across America». MTV News. Արխիվացված է օրիգինալից 2010-10-07-ին. Վերցված է 2015 թ․ դեկտեմբերի 8-ին.
- ↑ Reid, Shaheem (2009-02-27).«50 Cent Says Rick Ross Will 'Work At A Pizza Shop' When Battle Is Done» Արխիվացված 2010-04-27 Wayback Machine Mixtape Monday (MTV News). Retrieved 2009-04-11.
- ↑ Roberts, Steven (2009-03-31). «Bow Wow Says His Saga With Jermaine Dupri Mirrors 'New Jack City'» Արխիվացված 2010-04-03 Wayback Machine MTV News. Retrieved 2009-04-11.
- ↑ Gamble, Ronnie (2009-08-16). «Bow Wow Inks Deal With Cash Money Records» Արխիվացված 2009-08-19 Wayback Machine BallerSatus.com.
- ↑ «Amazon.com: For My Hood [Explicit]: Bow Wow: MP3 Downloads».
- ↑ BY:RealTalkNY Real Talk With Bow Wow: Announces Retirement From Music, Speaks On Record Sales & Acting Career Արխիվացված 2010-06-25 Wayback Machine April 18th, 2009
- ↑ Reid, Shaheem (2008-06-10). «Bow Wow Has Big Love For The Big Screen: 'Acting Is My Number-One Priority'» Արխիվացված 2010-06-06 Wayback Machine MTV News. Retrieved 2009-04-11.
- ↑ Трейлер фильма «Hurricane Season» Արխիվացված 2016-03-04 Wayback Machine В фильме снялись Lil Wayne и Bow Wow, InDaRnB - портал об RnB, хип-хоп культуре и стиле жизни RnB. 14 декабря 2009
- ↑ Reid, Shaheem (2008-07-22). «Bow Wow Patches Things Up With Jermaine Dupri, Talks About His Role On 'Entourage'» Արխիվացված 2010-06-24 Wayback Machine MTV News. Retrieved 2008-07-23.
- ↑ «Ciara and Bow Wow call it quits». Արխիվացված է օրիգինալից 2015 թ․ նոյեմբերի 17-ին. Վերցված է 2015 թ․ նոյեմբերի 27-ին.
- ↑ Ciara и Bow Wow расстались(չաշխատող հղում) InDaRnB - портал об RnB, хип-хоп культуре и стиле жизни RnB. 7 апреля 2003
Արտաքին հղումներ
խմբագրել- BowWowToday պաշտոնական կայք (անգլ.)
- Bow Wow Myspace-ում (անգլ.)
- Bow Wow Արխիվացված 2015-11-30 Wayback Machine Ustream-ում (անգլ.)
- Bow Wow ՅուԹյուբում (անգլ.)
| Վիքիպահեստն ունի նյութեր, որոնք վերաբերում են «Bow Wow» հոդվածին։ |
| Այս հոդվածն ընտրվել է Հայերեն Վիքիպեդիայի օրվա հոդված: |