Auld Lang Syne
| «Auld Lang Syne» | |
|---|---|
| BBC Symphony Orchestra?, Սյուզան Բոյլ և Սաննա Նիլսենի երգը | |
| Լեզու | շոտլանդերեն |
| Հեղինակ | Ռոբերտ Բըրնս |
| Կոմպոզիտոր | traditional? |
Auld Lang Syne ([ˈɔːld lɑŋ ˈsəin], Հին լավ ժամանակներ), շոտլանդական երգ, գրված 1788 թվականին, Ռոբերտ Բյոռնսի բանաստեղծության բառերով[1]։ Հայտնի է շատ տարբեր, հատկապես` անգլալեզու երկրներում և հաճախ երգվում է Ամանորը դիմավորելիս, կեսգիշերից հետո։
Ստեղծման պատմություն
[խմբագրել | խմբագրել կոդը] | |
| Auld Lang Syne | |
| |
| 蛍の光 | |
Երգի տեքստը Ռոբերտ Բյոռնսի կողմից ուղարկվել է «Շոտլանդիայի երաժշտության թանգարանի» խմբագրին` հետևյալ նշումով. «Այս երգը, այս հին բալլադը երբեք չի տպագրվել, նույնիսկ ձեռագիր չի գրվել, մինչև որ ես չիմացա դրա բառերը մի տարեց մարդուց»[2]։ Այն փաստը, որ բանաստեղծության շատ տողեր չեն հորինվել Բյոռնսի կողմից, ապացուցում է նաև 1711 թվականին Ջեյմս Ուոթսոնի կողմից գրված «Old Long Syne» բանաստեղծությունը[3], որի առաջին տունը շատ մոտ է շոտլանդացի բանաստեղծի տարբերակին։ Ամենայն հավանականությամբ և՛ Բյորնսը և՛ Ուոթսոնն իսկապես օգտագործել են հին ժողովրդական բալլադը որպես սկզբնաղբյուր։ Ինչ վերաբերում է երաժշտությանը, ապա հայտնի չէ` արդյո՞ք այն պահպանվել է նույնկերպ, ինչպես ի սկզբանե առաջարկել է բանաստեղծը[4]։
Ամանորի նախօրեին «Auld Lang Syne» երգելու ավանդույթն արագ տարածվել է ոչ միայն Շոտլանդիայում, այլև ամբողջ Մեծ Բրիտանիայում, այնուհետև թափանցել է այլ երկրներ ևս։ Գայ Լոմբարդոն 1929 թվականից սկսած հաճախ է կատարել երգն իր ամանորյա եթերների ժամանակ, ինչը երգին մեծ ճանաչում է բերել։ 1939 թվականին նա ձայնագրել է «Auld Lang Syne» երգի առաջին ձայնագրությունը։
Տարածվածություն
[խմբագրել | խմբագրել կոդը]Երգի տարածվածության մասին է խոսում այն փաստը, որ բացի սուրբծննդյան շրջանում հաճախ կատարվելուց, այն երգվում է նաև մի շարք տոնական միջոցառումների ժամանակ, օգտագործվում է տարբեր ֆիլմերի և սերիալների մեջ։ «Auld Lang Syne»-ը կատարել են մի շարք հայտնի երաժիշտներ, այդ թվում` U2 խումբը, Էլվիս Փրեսլին, Բոբբի Դարինը և Մրայա Քերին։
Ծանոթագրություններ
[խմբագրել | խմբագրել կոդը]- ↑ BBC — Robert Burns
- ↑ «Auld Lang Syne». Արխիվացված է օրիգինալից 2011 թ․ փետրվարի 21-ին. Վերցված է 2018 թ․ դեկտեմբերի 5-ին.
- ↑ Old Long Syne
- ↑ Այստեղ Արխիվացված 2021-02-04 Wayback Machine հստակ ցույց է տրված, որ երգն ունի երկու` նախնական և տարածված մեղեդիներ