• ՄՀԱ՝ [ɑˈʁikʰ]

Դասական ուղղագրութեամբ՝ աղիք

վանկեր՝ ա•ղիք 

1. Ակն, Նոր Նախիջևան, Ոզմ՝ (կզմխս․) մարդու և կենդանիների մարսողական գործարանների մասը կազմող թաղանթային խողովակ, որ սկսվելով ստամոքսի ներքևից՝ գալարումներով հասնում է մինչև հետույքի մոտ ◆ Գալիս են առաջին գնորդները, որոնք միս չեն առնում, այլ փորոտիք, աղիքներ, ոտքեր և գլուխ։ (Ակսել Բակունց)
2. (հնց․) նվագարանի աղիքե լար
3. (բրբ․) նարգիլեի երկայն խողովակը
4. (խոհր․) կենդանիների մարսողական համակարգի մաս, որոշ մասը (բարակ աղիներ և այլ) օգտագործվում է սննդում առանձին կերակրատեսակներ պատրաստելու, նաև՝ երշիկեղենի և այլ բնագավառներում

1. աղի, քաղիրթ (հին), (գվռ․)՝ մաճիկ, թրքաման (գռհկ․)
2. տե՛ս փորոտիք
3. աղելար, աղեթել

1. աղիք դառնալ – սաստիկ նիհարել
2. աղիքները գալարվել
   1. աղիքների գալարում առաջանալ
   2. ստամոքսում սուր ցավ զգալ
   3. քաղցից տանջվել ◆ Որկորը քերվում էր, աղիքները գալարվում էին փորում։ (Նար-Դոս)
   4. գութը շարժվել, կարեկցել
3. աղիքները թափել – սառը զենքով փորը ճեղքելով աղիքները դուրս հանել, սառը զենքով սպանել ◆ Սատանան ասում է աղիքները թափիր: Դերենիկ Դեմիրճյան
4. աղիքները իրար գալ – սաստիկ քաղցած լինել
5. աղիքներն իրար ուտել - սաստիկ քաղցած լինել
6. աղիքները հաստացնել -
   1. չափազանց շատ՝ անհագաբար ուտել
   2. պորտաբույծ կյանք վարել
7. աղիքը ծռվել - քեն, ոխ պահել, թշնամանալ
8. Նոր Ջուղա՝ աղիքը կարճ - անհամբեր ◆ Երեկ փող է տվել, այսօր ետ է ուզում, ինչ աղիքը կարճ մարդ է։ (Ձեռագիր)
9. Սեբաստիա՝ աղիքը վար գալ - փոշտանկ՝ աղեթափություն ստանալ
10. աղիքները բերանը գալ -
    1. սաստիկ ծիծաղից թուլանալ
    2. Սեբաստիա՝ սրտխառնություն ունենալ
11. աղիքները թափել - դաշունահարել, սպանել
12. աղիքները իրար ուտել - սաստիկ քաղցած լինել ◆ Աղիքներս իրար կերան, հացը բերեք։ Սահակ Ամատունի
13. (փխբ․) լեն աղիք - շատակեր

• Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
• Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
• Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
• Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
• Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։

• Սերգեյ Ավագյան, Հայերեն-անգլերեն-ռուսերեն խոհարարական բացատրական բառարան, Երևան, «ԴԱԼԼ», 2009 — 240 էջ։