Foillan

She ushagyn marrey jeh'n chynney Laridae 'sy fo-oardagh Lari ad foillanyn. Mastey ny h-ushagyn, she yn mooinjerys s'faggys daue na ny gantyn (kynney Sternidae). Ta'n mooinjerys eddyr oc as ny h-awkyn ny s'odjey. Derrey yn 21oo eash, va'n chooid smoo jeh foillanyn currit stiagh 'sy ghenus Larus, agh ta'n rang-oardraghey coontit nish myr rang-oardraghey neuchiart.

Foillan
Foillan boandey-ghobbagh
Rang oaylleeagh
Reeriaght: Animalia Phylum: Chordata Rang: Aves Oardagh: Charadriiformes Fo-oardagh: Lari Kynney: Laridae
Genera
10, jeeagh er y teks

Er y chooid smoo, ta foillanyn nyn ushagyn meanagh dys mooarey, lheeah ny bane ayns daah, marish markyn dooey er nyn ging ny skianyn. Ta graagyn garroo oc as t'ad çhiu marish gobyn liauyrey as cassyn craitnagh. Ta'n chooid smoo jeu jannoo nyn idd er y thalloo as t'ad gee feill as ad feddyn nyn mee bio ny dy emshiroilagh. Ta'n bee bio dy mennick goaill stiagh crustee, eeastyn shliggagh, eeastyn as ushagyn beggey. Ta cabyn jee-yeushanagh oc as t'eh shen lhiggey daue spooilley mooar y ee. Er y chooid smoo, ta foillanyn cummal er y choose ny faggys da'n choose as cha nel ad goll magh foddey er y vooir, goaill magh ny pirree.^[1]