para

•   Etimoloxía: do latín per (a, a través, por medio de) + o latín ad (a, preposición que expresa dirección, proximidade, finalidade ou relación, comparación).

•   Pronuncia: [ˈpa.ɾɐ] (AFI)

para

1. Definición impropia: Indica dirección a, con destino a.
   • Exemplo: Mañá marcho para Roma. Xa volvín para a casa.
     
     
2. Definición impropia: Indica finalidade, utilidade, capacidade.
   • Exemplo: Fixen uns andeis para os libros. Non vale para estudar. O meu fillo máis vello vai para cura. Dálle ao neno cartos para o pan. Vai ser un bo xerente para a empresa.
     
     
3. Definición impropia: Indica co fin de.
   • Exemplo: Vestiuse para saír.
     
     
4. Definición impropia: Expresa que algo é apropiado.
   • Exemplo: Compraches a roupa para ires á montaña?. É o mellor para todos.
     
     
5. Definición impropia: Expresa que unha cousa é boa contra algo.
   • Exemplo: Merquei na farmacia uns comprimidos para a dor de cabeza.
     
     
6. Definición impropia: Expresa que algo é en proveito de.
   • Exemplo: A colecta é para a loita contra o cancro.
     
     
7. Definición impropia: Indica con relación a.
   • Exemplo: Está ben conservado para a idade que ten. É unha boa filla para (ou para con) o pai. Para o que traballa, aínda lle pagan de máis.
     
     
8. Definición impropia: Indica proximidade.
   • Exemplo: Está para entrar o verán.
     
     
9. Definición impropia: Indica tempo, exacto ou aproximado, ou duración.
   • Exemplo: Temos comida para varias semanas. Deixa iso para mañá e déitate xa.
     
     
10. Definición impropia: Indica destino.
    • Exemplo: Coitelo para o pan.
      
      
11. Definición impropia: Expresa motivo ou causa.
    • Exemplo: Non come para vivir, vive para comer.
      
      
12. Definición impropia: Indica a persoa á que vai dirixida unha acción ou unha cousa.
    • Exemplo: A carta é para Pepe. Aínda que nos berrou a todos, a reprimenda ía para quen sabemos.
      
      
13. Definición impropia: Xunto con estar e seguida doutro verbo, indica que a acción deste está próxima a cumprirse.
    • Exemplo: A película está para estrear.
      
      
14. Definición impropia: Expresa unha opinión ou algo do que se cre que pode ocorrer.
    • Exemplo: Teño para min que o Carlos está tolo. Para o meu parecer o alcalde non vai gañar as eleccións.
      
      
15. Definición impropia: Expresa unha valoración positiva dun mesmo ou dun grupo ao que se pertence.
    • Exemplo: Para mariñeiros, nós.
      
      

• pra