ar

•   Etimoloxía: do latín aer, -ĕris.

•   Pronuncia: /ˈaɾ/ (AFI)

ar (sg: ar; pl: ares)

1. Mestura de gases e vapor de auga que conforman a atmosfera terrestre.
   • Sinónimos: aire.
2. Conxunto de gases que constitúen unha certa atmosfera nun lugar e momento determinados.
   • Sinónimos: aire.
3. Aire (gases da atmosfera) en movemento.
   • Sinónimos: aire, vento.
4. Espazo sobre a superficie terrestre.
   • Sinónimos: aire.
5. (Figurado) Cousa que fai que algo ou alguén sexa semellante a outro algo ou alguén.
   • Sinónimos: aire, parecido, semellanza.
6. Maneira na que se presenta visualmente algo ou alguén.
   • Sinónimos: aire, aparencia, aspecto, expresión.
7. (Coloquial) Ataque de parálise.
   • Sinónimos: aire.
8. (Figurado) Estado de debilidade, falta de apetito, etc. que se asocia popularmente ao contacto con defuntos, moribundos ou animais.
   • Sinónimos: aire.
9. Maleficio provocado mediante unha mirada.
   • Sinónimos: aire, mal de ollo.