Vitilixe

A vitilixe^[1] é unha doenza autoinmune non contaxiosa na que ocorre unha perda local da pigmentación da pel.

Esta despigmentación ocorre xeralmente en forma de placas na faciana ou nas mans, aínda que tamén pode xurdir en calquera outra parte do corpo. O lugar atinxido fica cun aspecto branco transparente e bastante sensíbel ao sol, podendo ocorrer serias queimaduras en caso de se expor ao sol sen protección. Tende a empeorar coa tensión e a ansiedade, e en situacións de estrés é común que aparezan novas placas que poden ficar de forma permanente.