Tuimil, Bóveda
Santa María de Tuimil é unha parroquia que se localiza no concello de Bóveda. Limita coas parroquias de San Fiz de Rubián e Vilasouto ao norte, Laiosa ao leste, Guntín e Bóveda ao sur e Rubián ao oeste.
| Tuimil | |
|---|---|
 | |
| Concello | Bóveda[1] |
| Provincia | Lugo |
| Coordenadas | 42°39′02″N 7°26′56″O / 42.65066171, -7.44891714 |
| Poboación | 84 hab. (2019) |
| Entidades de poboación | 14[1] |
| [ editar datos en Wikidata ] | |
Segundo o padrón municipal de 2008 tiña 121 habitantes (60 homes e 61 mulleres), distribuídos en 14 entidades de poboación, o que supón unha diminución en relación ao ano 1999 cando tiña 175 habitantes.
Topónimo
editarO seu nome provén do xermánico teod mir (lugar eminente). No ano 1175, nunha bula do mosteiro de Samos, aparece a igrexa de Santa María de Toemir. En 1430 Gómez Ares vendeu a Vasco Fernández, todas as súas herdades en Xulián, freguesía de Santa María de Toymil, sendo notario da Somoza un tal Lorenzo.
Patrimonio
editarA igrexa de Santa María de Tuimil data dos séculos XVII e XVIII. É un edificio de tres naves, con muros de cachotería de lousa e cuberta a dúas augas, separadas entre si por dous arcos de medio punto en granito.
No lugar de Xullán atópase a capela de San Pedro, de planta rectangular e muros de cachotería de lousa enlucidos, con cuberta a dúas augas en madeira e lousa. Sobre a porta levántase un campanil dun só van.
Na arquitectura civil destaca no lugar da Abelleira, a Casa da Abelleira.
Destacan varios hórreos ben conservados no lugar de Xulián, e os Muíño de Vilaboa, de Pena, de Barxa, e do Pardo.
Lugares e parroquias
editarLugares de Tuimil
editar| Lugares da parroquia de Tuimil no concello de Bóveda (provincia de Lugo) | |
|---|---|
|
A Abelleira | Barxa | A Cabana | Casanova | O Castro | Mazaira | Meruz | O Moredo | Portaivente | Regodaíde | Ribeira | Salgueiriña | San Xurxo | Tuimil | Vilaboa | Xullán |