Real Sociedad de Fútbol B

O equipo foi fundado en 1951 baixo o nome de San Sebastián Club de Fútbol, como equipo filial da Real Sociedad, un dos equipos clásicos da Primeira División. O San Sebastián CF, coñecido popularmente como Sanse foi desde o inicio o equipo no que se fogueaban as novas promesas da Real Sociedad antes de dar o salto ao primeiro equipo. Por iso a súa principal función foi a de formar xogadores, máis que a de obter bos resultados na Liga.

Polas filas do Sanse pasaron numerosos xogadores que triunfaron posteriormente na Real Sociedad e outros equipos. O Sanse tivo unha grande importancia na historia da Real Sociedad, xa que este foi tradicionalmente un equipo de canteira que se nutriu máis dos mozos formados nas súas categorías inferiores que de fichaxes externas. Na actualidade a Real Sociedad segue mantendo no seu persoal unha maioría de xogadores formados no Sanse.

No que respecta ás categorías nas que militou; o Sanse chegou a alcanzar a Segunda División en 1960. Na tempada seguinte (1961-62) obtivo a súa mellor clasificación, un 5º posto. Con todo, deuse o paradoxo de que a unha excelente campaña do filial uniuse unha pésima campaña da Real Sociedad, que descendeu aquela mesma tempada de Primeira a Segunda división. A Real arrastrou na súa caída ao Sanse á Terceira División, xa que un equipo filial non pode xogar na mesma categoría que o seu irmán maior. O bloque de xogadores do Sanse que militou en Segunda División foi o mesmo que cinco anos despois logrou devolver á Real Sociedad a Primeira.

Desde entón, o Sanse, non retornou nunca máis a Segunda división, pasando o resto de campañas ata a actualidade en Terceira ou Segunda B. En 1991 e en 2006 chegou a disputar os play-offs de ascenso á Segunda división.

En 1992 un cambio na normativa obrigou ao equipo a cambiar o seu nome e desde entón é coñecido oficialmente como Real Sociedad de Fútbol B, aínda que a nivel popular segue recibindo o nome de Sanse.

• Uniforme titular: Camiseta a franxas verticais azuis e brancas, pantalón branco e medias azuis.
• Uniforme alternativo: Camiseta negra e gris, pantalón negro e medias negras.

 

A Real Sociedad B xoga os seus partidos no campo Z-7 das Instalacións de Zubieta, con capacidade para 2.500 espectadores.

A cidade deportiva de Zubieta é onde adestran a Real Sociedad e todos os seus equipos inferiores. Estas instalacións atópanse moi preto do Hipódromo de San Sebastián e de aí deriva o alcume de potrillos que reciben os xogadores da Real Sociedade B.

• Tempadas en 1ª: 0
• Tempadas en 2ª: 2
• Tempadas en 2ªB: 27 (Incluída a 2012/13)
• Tempadas en 3ª: 27
• Mellor posto na liga: 5º (2ª tempada 61-62)
• Peor posto na liga: 9º (2ª tempada 60-61)
• Posto na clasificación histórica de filiais: 9º

Actualizado a 1 de setembro de 2010.

Nº Posto País Xogador POR   Javier Mandaluniz POR   Toño Ramírez POR   Julen Celaya DEF   Alberto Morgado DEF   Arkaitz Pérez DEF   Jon Gaztañaga DEF   Imanol Plaza DEF   Julen Castañeda DEF   Aitor Aldalur DEF   Liassine Camaduro DEF   Beñat Etxabe DEF   Iñigo Martinez DEF   Julen Etxabeguren MED   Asier Illarramendi

Nº Posto País Xogador MED   Jon Errasti MED   Javier Ros MED   Joseba Beitia MED   Ruben Pardo MED   Sergio Barcina MED   Aitor Castro MED   Pablo Hervias DIA   Alain Eizmendi DIA   Eneko Eizmendi DIA   Julen Colinas DIA   Iosu Ozkoidi DIA   Mikel Orbegozo DIA   Johathan Nanizayamo DIA   Iñigo Rodriguez

• Sitio web oficial