Rafael Rivelles

Naceu en Valencia, pero pronto a súa familia se trasladou ao Cabanyal, municipio de Valencia que en 1897 foi anexionado ao da capital, e onde pasou toda a súa infancia. Membro dunha familia de artistas, os seus pais foron os prestixiosos actores de teatro Jaime Rivelles e Amparo Guillem Minguet. Moi pronto comezou a traballar no teatro no que lograría rotundos éxitos; aínda que tamén traballou no cine ao longo da súa vida, pero de forma máis esporádica. Nos anos 30 traballou durante un tempo en Hollywood, pero pronto regresou a España, onde fundou a súa propia compañía de teatro xunto á súa esposa, a actriz María Fernanda Ladrón de Guevara coa que contraeu matrimonio o 15 de marzo de 1922, na Igrexa de San José de Madrid.

En 1925 naceu a súa filla, a actriz Amparo Rivelles, que continuou a saga artística xunto a unha nova xeración familiar de actores, entre eles Amparo Larrañaga e Luis Merlo.

No cine é lembrado como Don Quixote na película de 1947, Don Quijote de la Mancha xunto a un espléndido Juan Calvo, no papel de Sancho Panza.

En 1954 interpretou a Xudas Iscariote na película El beso de Judas dirixida por Rafael Gil.

Faleceu en Madrid o 3 de decembro de 1971 e de acordo cos seus desexos foi enterrado en Valencia, no cemiterio do Cabanyal, xunto aos seus pais.^[2]

• Reinar después de morir (1964)
• Ardèle o la Margarita (1964)
• Cuidado con las personas formales (1960)
• Papá se enfada por todo (1959)
• La herencia (1957)
• Pepa Doncel (1956)
• La herida luminosa (1955)
• La muralla (1954)
• La mariposa y el ingeniero (1953)
• Señora ama (1953)
• Callados como muertos (1952)
• Criminal de guerra (1951).
• Al amor hay que mandarlo al colegio (1950)
• La visita que no llamó al timbre (1949)
• Carlo Monte en Monte Carlo (1939)
• El bandido de la Sierra (1926)
• El nido ajeno (1923)

Wikimedia Commons ten máis contidos multimedia na categoría:  Rafael Rivelles

• Homenaxe ao actor
• Ficha de Rafael Rivelles en IMDb (en inglés).
• Lápida de Rafael Rivelles.