Club Rápido de Bouzas

O equipo foi fundado o 12 de agosto de 1914^[3] co nome de Club Rápido Football, no seo do Liceo Marítimo de Bouzas, do cal tomou as cores negra e amarela.^[2]{ Converteuse en club en 1917 e federouse en 1921.

Participou na Serie B do Campionato de Galicia de fútbol, resultando campión na tempada 1922-23. No verán dese ano foi convidado a unirse co Real Vigo Sporting Club e mais o Real Club Fortuna de Vigo no proxecto de fusión que deu lugar ao Celta de Vigo, mais o club declinou a oferta.

Na tempada 1965-66 acadaron o ascenso por vez primeira á Tercera División, competición que gañaron na temada 2004-2005. É o equipo de Galicia con maior número de tempadas consecutivas nesta categoría tras o Cerceda. Amais acadaron seis títulos de Campión de Galicia de afeccionados.

En 2005 o club xogou por vez primeira a Copa do Rei de fútbol, sendo eliminado polo Rayo Vallecano, ao que con todo, conseguiu derrotar no partido de ida no Baltasar Pujales.^[1] No ano 2014 foi galardoado co premio Vigués distinguido.

Na tempada 2015-16 o equipo gañou o grupo galego da Copa RFEF, tras eliminar o Deportivo B e o Alondras, e vencer na final fronte ao Cerceda en Ribadumia por 3-0.^[4]

O 25 de xuño de 2017, con Patxi Salinas no banco, o club logrou o ascenso a Segunda B por vez primeira tras eliminar o Peralada, o Cayón e o Villa de Santa Brígida.^[2][1] Na tempada do seu debut na terceira categoría do fútbol español, o Rápido de Bouzas estivo a piques de clasificarse para os play-offs de ascenso a Segunda División da man de Borja Jiménez Sáez.^[1] Mantívose nesta categoría dúas tempadas, clasificándose de novo para a Copa do Rei.

No verán de 2024 o equipo descendeu a Preferente logo de que ningún equipo galego conseguira o ascenso á Segunda División RFEF nos play-offs. Deste xeitoo, o cadro vigués puña fin a 25 anos competindo en categoría estatal de xeito ininterrompido. O descenso, inesperado na entidade, fixo que o proxecto tivera que tomar unha nova dirección, recurrindo a xogadores da canteira cunha media de 19-20 anos.^[1]

Os inicios na categoría autonómica non foron bos para o Rápido, xa que comezou perdendo os seus primeiros tres encontros, nos que acumulou 17 goles en contra por tan só tres a favor, encaixando ademais 12 goles nos seus dous primeiros partidos como local, o que colocou ao equipo como pechacancelas da competición.^[1]

• Juan Carlos Andrés Costa
• 2014-16 Xurxo Otero
• 2016-17 Patxi Salinas
• 2017-2018 Borja Jiménez Sáez
• 2018-2018 Xurxo Otero
• 2018-2019 Míchel Alonso
• 2019-2029 Miguel Fernández Pérez
• 2019-2020 Milo Abelleira
• 2020- David de Dios

Na actualidade o presidente da entidade gualdinegra é Manuel Pedro Seoane Cordal. Así mesmo, o presidente honorífico é Baltasar Pujales Estévez.

• Baltasar Pujales Estévez (-2005)
• Manuel Pedro Seoane Cordal (2005-)

• Uniforme titular: Camiseta amarela e negra a raias verticais, pantalón negro e medias negras.

 

O Campo de Fútbol Municipal Baltasar Pujales é a sede onde o Club Rápido de Bouzas disputa os seus encontros.

• Tempadas en 1ª: 0
• Tempadas en 2ª: 0
• Tempadas en 2ª B: 2
• Tempadas en 3ª: 22
• Mellor posto na liga: 5º en 2ª B (2017/18).
• Promocións de ascenso a Segunda B: 3 (1 ascenso)
• Participacións na Copa do Rei: 2

Tempada Categoría Posto Copa do Rei de 17-18 Rexional — a 64-65 Rexional — 1965/66 3ª 8º 1966/67 3ª 10º 1967/68 3ª 13º de 67-68 Rexional — a 98-99 Rexional — 1999/00 3ª 12º 2000/01 3ª 14º 2001/02 3ª 5º 2002/03 3ª 4º

Tempada Categoría Posto Copa do Rei 2003/04 3ª 14º 2004/05 3ª 1º 2005/06 3ª 15º Rolda previa 2006/07 3ª 12º 2007/08 3ª 9º 2008/09 3ª 15º 2009/10 3ª 10º 2010/11 3ª 10º 2011/12 3ª 7º 2012/13 3ª 8º 2013/14 3ª 10º

Tempada Categoría Posto Copa do Rei 2014/15 3ª 10º 2015/16 3ª 8º 2016/17 3ª 2º   2017/18 2ªB 5º 1ª rolda 2018/19 2ªB 17º   1ª rolda 2019/20 3ª 18º 2020/21 3ª RFEF 6º / 4º 2021/22 3ª RFEF 6º 2022/23 3ª RFEF 3º 2023/24 3ª RFEF 15º   2024/25 Preferente —

• Terceira División (1): 2004–05
• Campionato de Galicia da Serie B (1): 1921–22
• Fase Autonómica Galega da Copa RFEF (3): 2002–03, 2012–13, 2015–16

• Sitio web oficial