Otelo
Otelo (Othello, the Moor of Venice) é unha obra de Shakespeare escrita ao redor de 1603 e publicada en 1622. Otelo é unha traxedia, como Hamlet, Macbeth e O rei Lear. Shakespeare escribiu Otelo probabelmente despois de Hamlet, pero antes das dúas posteriores. A primeira actuación da que se ten noticia celebrouse o 1 de novembro de 1604 no Whitehall Palace de Londres.
| Otelo | |
|---|---|
 | |
| Título orixinal | The Tragedy of Othello, The Moor of Venice |
| Autor/a | William Shakespeare |
| Orixe | Inglaterra |
| Lingua | Early Modern English |
| Xénero(s) | Traxedia |
| Data de pub. | 1622 |
| Na rede | |
  | |
| [ editar datos en Wikidata ] | |
O personaxe principal, Otelo, preséntase piadosamente a pesar da súa raza. Isto era pouco habitual na literatura inglesa en tempos de Shakespeare, que describía os mouros e outros pobos de pel escura como viláns. Shakespeare evita calquera discusión respecto do islam na obra.
En galego publicouno en 2006 a Editorial Galaxia, na tradución de Miguel Pérez Romero[1].
Resumo da trama
editarOtelo, que acaba de fuxir con Desdémona ao comezo da obra, deixa Venecia para dirixir o exército de Venecia en Chipre. Cando Desdémona e Casio se unen a Otelo en Chipre, o traidor estandarte Iago convence a Otelo de que Desdémona lle foi infiel con Casio. Otelo mata a Desdémona cego de ira. A esposa de Iago, Emilia, descobre que a aventura de Desdémona con Casio era unha invención de Iago. Iago mata a Emilia e Otelo suicídase. Casio goberna Chipre e o castigo de Iago é deixado a discreción de Casio.
Versións en películas e para óperas
editarOtelo levouse varias veces á gran pantalla, incluíndo:
- The Tragedy of Othello: The Moor of Venice (1952) de Orson Welles
- Othello (1965) protagonizada por Laurence Olivier, Maggie Smith, Frank Finlay, e Joyce Redman
- Otello (1986)
- Othello (1995) protagonizada por Kenneth Branagh, Laurence Fishburne, e Irene Jacob. Dirixida por Oliver Parker.
- Kaliyattam (1997), en lingua malayalam, unha adaptación moderna, situada en Kerala, protagonizada por Suresh Gopi.
- O (2001) unha adaptación moderna, nun instituto norteamericano.
A mesma historia é a base para dúas versións de ópera, ambas chamadas Othello, de Gioachino Rossini e Giuseppe Verdi.
Notas
editar- ↑ Ficha da obra Arquivado 11 de xuño de 2020 en Wayback Machine. en BiTraGa.
Véxase tamén
editarLigazóns externas
editar- Othello Arquivado 09 de outubro de 2004 en Wayback Machine. - Versión en texto desta obra no Proxecto Gutenberg
- The Tragedie of Othello - Versión HTML en inglés desta obra.