Olympic Air

Olympic Air (en grego: Ολυμπιακή) é unha aeroliña rexional, subsidiaria da aeroliña nacional grega Aegean Airlines. Inicialmente creouse a partir da privatización da antiga compañía de bandeira Olympic Airlines, unha empresa que levou o nome de Olympic Airways dende 1957 ata os comezos do século XXI. Olympic Air comezou a realizar voos limitados o 29 de setembro de 2009, despois de que Olympic Airlines cesara todas as súas operacións, tendo lugar a inauguración dos seus voos a grande escala o día 1 de outubro. O seu principal centro de operacións atópase no Aeroporto Internacional de Atenas, sendo o aeroporto de Rodas o seu hub secundario. A súa sede atópase no Edificio 57 do aeroporto de Atenas en Spata.

Olympic Air
IATA OA	OACI OAL	Indicativo OLYMPIC
Fundación		1957 (2009 con novo nome, e 2013 con nova compañía)
Inicio das operacións		29 de setembro de 2009
Aeroporto principal		Aeroporto Internacional de Atenas
Centro de conexión		Aeroporto de Rodas
Frota		14
Destinos		18
Holding		Aegean Airlines
Dirixentes		Theodoros Vassilakis (presidente e CEO)
Páxina web: https://www.olympicair.com/