National League
A National League of Professional Baseball Clubs (do inglés: Liga Nacional de Clubs Profesionais de Béisbol) ou National League (NL), é unha das dúas ligas de béisbol que conforman a Major League Baseball (MLB) nos Estados Unidos e o Canadá. A National League é a competición deportiva por equipos profesional máis antiga do mundo aínda en activo. Fundada o 2 de febreiro de 1876 para substituír a National Association of Professional Base Ball Players (1871–1875), ás veces é coñecida como "Senior Circuit" en contraposición á American League, fundada 25 anos despois e coñecida como o "Junior Circuit". Ao igual que a Liga Americana, a Nacional conta con 15 equipos.
| ||
| Tipo | liga deportiva  | |
|---|---|---|
| Deporte | béisbol | |
| Organizador | Major League Baseball | |
| Parte de | Major League Baseball | |
| Localización e Datas | ||
| País | Estados Unidos de América e Canadá | |
| Vixencia | 1876 – | |
| Competición | ||
| Primeiro posto | Los Angeles Dodgers | |
| Outro | ||
| Páxina web oficial | mlb.mlb.com | |
Equipos
editarA National League está composta por quince equipos divididos en tres divisións con cinco equipos en cada unha.
National League East
editar- Artigo principal: National League East.
- Atlanta Braves, o equipo máis antigo da Major League Baseball en activo; fundados en 1871 como os Boston Red Stockings (ou Red Caps) na National Association; uníronse á National League como membro fundador 1876. Coñecidos nun principio como "Beaneaters" e outros alcumes, adoptaron o actual "Braves" en 1912. Trasladados a Milwaukee (1953) e a Atlanta (1966)
- Miami Marlins, fundados en 1993 como os Florida Marlins, mudaron o seu nome a Miami Marlins en 2012.
- New York Mets, fundados en 1962.
- Philadelphia Phillies, fundados en 1883 como os Quakers, adoptaron o nome de Phillies oficialmente en 1884. De 1943 até 1948 os Phillies mudaron de nome de forma non oficial a "Philadelphia Blue Jays". Aínda que nas camisolas mantiveron o nome de "Phillies", nas mangas levaban un parche cun "blue-jay" (do inglés: gaio azul). O equipo é a franquía máis antiga, que non mudou de nome nin cidade, do deporte profefsional estadounidense.
- Washington Nationals, fundados en 1969 como os Montreal Expos. Trasladados a Washington, D.C. (2005)
National League Central
editar- Artigo principal: National League Central.
- Chicago Cubs fundado en 1870 como equipo profesional independente, foi un dos fundadores da National Association en 1871, aínda que suspendeu as súas operacións entre 1872 e 1873 por mor do Grande incendio de Chicago. Desde o seu regreso en 1874, o equipo permaneceu en activo sen mudar de cidade. É por isto o equipo da Major League Baseball que máis tempo leva na súa cidade orixinal. Orixinalmente chamados "Chicago White Stockings" e despois "Chicago Colts" entre outros moitos, o equipo adoptou finalmente o nome de "Cubs" en 1902.
- Cincinnati Reds fundado en 1882 na American Association, uniuse á National League en 1890.
- Milwaukee Brewers fundado en 1969 como os Seattle Pilots na American League, trasladáronse a Milwaukee (1970), tranferidos á National League en 1998.
- Pittsburgh Pirates fundado en 1882 na American Association, uniuse á National League en 1887.
- St. Louis Cardinals fundado en 1882 na American Association, uniuse á National League en 1892.
American League West
editar- Artigo principal: American League West.
- Arizona Diamondbacks fundado en 1998
- Colorado Rockies fundado en 1993
- Los Angeles Dodgers fundado en 1883 equipo de ligas menores, entrou na American Association co nome de Brooklyn Atlantics en 1884, aínda que pronto adoptou o nome "Dodgers", uniuse á National League en 1890. Trasladado aos Ánxeles (1958)
- San Diego Padres fundado en 1969
- San Francisco Giants fundado en 1883 como New York Gothams, trasladado San Francisco (1958)