Luca della Robbia

Luca della Robbia, nado en Florencia en 1400 e finado na mesma cidade no ano 1482, foi un escultor e ceramista italiano, famoso polas súas obras en terracota.

Luca della Robbia

Biografía
Nacemento	xullo de 1399 (Gregoriano) Florencia, Italia
Morte	10 de febreiro de 1482 (82 anos) Florencia, Italia
Actividade
Campo de traballo	Escultura
Lugar de traballo	Florencia
Ocupación	escultor, ceramista
Profesores	Nanni di Banco (pt) e Leonardo di Ser Giovanni (en)
Obra
Obras destacables (década de 1430) Cantoria by Luca della Robbia (en) (1433 (Gregoriano)) Cantoria by Donatello (en)
Familia
Familia	Familia Della Robbia
Irmáns	Marco della Robbia
Parentes	Andrea della Robbia, sobriño
Descrito pola fonte	Le vite de' più eccellenti pittori, scultori e architettori, (sec:V3.5, Luca della Robbia scultore) Dicionario Enciclopédico Brockhaus e Efron The Nuttall Encyclopædia >>>:Robbia, Luca Delia

Desenvolveu un esmalte cerámico que facía que as súas obras tivesen unha maior durabilidade no ar libre, facendo así posíbel o uso de cerámica na decoración exterior de edificios. A súa obra caracterízase polo seu feitizo, fronte ao dramatismo tan frecuente nos seus contemporáneos. Dúas das súas obras máis famosas son A Natividade (c. 1460) e a Virxe co Neno (c. 1475). Foi o primeiro dunha dinastía de importantes ceramistas: Andrea della Robbia (sobriño seu) e Giovanni della Robbia (resobriño seu, fillo de Andrea).

Della Robbia foi gabado polo seu compatriota Leon Battista Alberti como un xenio comparábel aos escultores Donatello e Lorenzo Ghiberti, ao arquitecto Filippo Brunelleschi e ao pintor Masaccio. Para xustificar este emparellamento de della Robbia con artistas contemporáneos desta categoría, Alberti reivindicaba o interese e a forza das súas obras en mármore e bronce, así como as súas obras en terracota, sempre asociadas ao seu nome.