Linguas nahuas

As linguas nahuas ou aztecas son aquelas linguas da familia uto-azteca que sufriron un cambio fonético, coñecido como lei de Whorf, que cambiou unha *t orixinal por /tɬ/ antes de *a.^[1] Posteriormente, algunhas linguas nahuas cambiaron esta /tɬ/ a /l/ ou a /t/, pero aínda se pode ver que a lingua pasou por unha etapa /tɬ/.^[2] A lingua nahua máis coñecida é o náhuatl. O náhuatl é falado por preto de 1,7 millóns de persoas do pobo homónimo.^[3]

Linguas nahuas
Falado en:	México e O Salvador
Total de falantes:
Familia:	Uto-azteca  Linguas nahuas
Regulado por:	Instituto Nacional de Linguas Indíxenas
Códigos de lingua
ISO 639-1:	--
ISO 639-2:	nah
ISO 639-3:	varios: nci — Lingua náhuatl clásica nhn — Lingua náhuatl de Tlaxcala–Puebla nch — Lingua náhuatl da Huasteca central ncx — Lingua náhuatl de Puebla central naz — Lingua náhuatl de Coatepec nln — Lingua mexicanera nhe — Lingua náhuatl da Huasteca oriental ngu — Lingua náhuatl de Guerrero azz — Lingua náhuatl das terras altas de Puebla nhq — Lingua náhuatl de Oaxaca nhk — Lingua náhuatl do Istmo-Cosoleacaque nhx — Lingua náhuatl do Istmo-Mecayapan nhp — Lingua náhuatl do Istmo-Pajapan ncl — Lingua náhuatl de Michoacán nhm — Lingua náhuatl de Morelos nhy — Lingua náhuatl de Oaxaca setentrional ncj — Lingua náhuatl da Serra Norte de Puebla nht — Lingua náhuatl de Ometepec nlv — Lingua náhuatl de Orizaba ppl — Lingua pipil nhz — Lingua náhuatl de Santa María la Alta npl — Lingua náhuatl do sueste de Puebla nhc — Lingua náhuatl de Tabasco nhv — Lingua náhuatl de Temascaltepec nhi — Lingua náhuatl de Tenango nhg — Lingua náhuatl de Tetelcingo nuz — Lingua náhuatl de Tlamacazapa nhw — Lingua náhuatl da Huasteca occidental nsu — Lingua náhuatl de Sierra Negra xpo — Lingua pochuteca
Mapa
Status

Algunhas autoridades, como o goberno mexicano, Ethnologue, e Glottolog, consideran que as variedades do náhuatl moderno son linguas distintas, porque adoitan ser mutuamente inintelixibles e os seus falantes. teñen identidades étnicas distintas. Dende 2008, o goberno mexicano recoñece como linguas nahuas trinta variedades que se falan en México (véxase a lista a continuación na táboa).

Os investigadores distinguen entre varias áreas dialectais que teñen cada unha delas unha serie de características compartidas: un esquema de clasificación distingue os dialectos centrais innovadores, falados na Cidade de México, dos periféricos conservadores que se falan ao norte, sur e leste da zona central, mentres que outro esquema distingue unha división básica entre os dialectos occidentais e orientais. As linguas náhuas inclúen non só variedades coñecidas como náhuatl, senón tamén o pipil e a extinta lingua pochuteca.