Lago de Ohrid

O lago de Ohrid (en macedonio: Охридско Езеро Ohridsko Ezero; en albanés: Liqeni i Ohrit, tamén coñecido como Liqeni i Pogradecit)^{[1][2][3][4][5][6][7]} é un lago que se atopa na rexión montañosa da fronteira entre Macedonia do Norte e o leste de Albania. É un dos lagos máis profundos e antigos de Europa, cun ecosistema único de relevancia mundial con máis de 200 especies endémicas.^[8]

Lago de Ohrid

Tipo	lago lago antigo
Parte de	Patrimonio natural e cultural da rexión de Ohrid
Localización
País da cunca	Macedonia do Norte e Albania
41°02′N 20°43′L / 41.03, 20.72
Afluentes	Sateska
Efluente do lago	Río Drin
Características
Altitude	695 m
Profundidade	288,7 m
Dimensións	14,8 () × 30,4 () km
Superficie	349 km²
Superficie da cunca hidrográfica	1.414 km²
Medicións
Volume físico	55.400 hm³

A parte do lago de Ohrid que se atopa en Macedonia do Norte foi declarada Patrimonio da Humanidade pola UNESCO en 1979, e un ano despois foi ampliada para incluír tamén a zona cultural e histórica da cidade de Ohrid. En 2010, a NASA nomeou un dos lagos de Titán na súa honra.^[9] En 2014, a reserva transfronteiriza de Ohrid-Prespa entre Albania e Macedonia do Norte foi engadida á rede de Reservas da Biosfera da UNESCO.^[10] A parte albanesa do lago foi designada Patrimonio da Humanidade en 2019. A parte de Macedonia do Norte foi nomeada como sitio Ramsar en 2021, superando os nove criterios para a proclamación.^[11]

En Albania, a parte costeira do lago ten o status de reserva da natureza. En Macedonia do Norte, o lago forma parte do Parque Nacional de Galičica.