Estación de Cádiz

Cádiz
	Interior da estación
Situación	Cádiz
Servizos
Liñas
Longa Distancia	Altaria, Trenhotel
Media distancia	A-1
Cercanías	(Proximidades Cádiz)
Intermodalidade
Outros	Autobús urbano e interurbano

A estación de Cádiz é a estación central da cidade homónima incluída dentro da rede de estacións de Adif. É unha estación termo de trens situada xunto á Praza de Sevilla, no centro de Cádiz.

É cabeceira da liña C-1 de Proximidades Cádiz, de trens de Media distancia Renfe e de trens de longo percorrido. Pertence á zona 1 de Proximidades Cádiz.

Historia

O edificio antigo da estación, pechado ao público dende que en 2002 fora inaugurado o novo, data da época en que se construíu a liña ferroviaria entre Cádiz e Sevilla, e localízase xunto ao porto de Cádiz e o edificio de aduanas.

Este edificio foi clausurado coas obras de soterramento da vía férrea en Cádiz entre 2000 e 2001 sendo construído un novo edificio que está algo máis afastado da Praza de Sevilla. A nova estación ten seis vías, dúas delas reservadas a trens de proximidades con acceso restrinxido para viaxeiros con títulos de transporte para os mesmos.

Durante as obras de soterramento a estación non prestou servizo, sendo terminal provisional a estación de Cortadura.

Servizos ferroviarios

Proximidades Cádiz e Media Distancia

Liña	>	Destino
C-1	San Severiano	San Fernando-Bahía Sur Xerez da Fronteira
A-1	Cádiz-Segunda Aguada	Sevilla-Santa Justa
	San Fernando-Bahía Sur	Xaén

Longa Distancia

Tren	Orixe/Destino	Paradas intermedias
Alvia	Madrid-Puerta de Atocha	San Fernando-Bahía Sur · El Puerto de Santa María · Xerez da Fronteira · Sevilla-Santa Justa · Córdoba Central · Puertollano · Cidade Real-Central
Trenhotel Antonio Machado	Barcelona-Sants	San Fernando-Bahía Sur · El Puerto de Santa María · Xerez da Fronteira · Sevilla-Santa Justa · Córdoba Central · Tarragona