Delphinus (constelación)
Delphinus ou Golfiño,[1] é unha pequena constelación do hemisferio norte moi preto do ecuador celestial. Xa fóra inserida na lista de Tolomeo de 48 constelacións e tamén forma parte da lista moderna de 88 constelacións aprobadas pola UAI.
| Delphinus | |
|---|---|
| |
| Nome latino | Delphinus |
| Abreviatura | Del |
| Xenitivo | Delphini |
| Simboloxía | Golfiño |
| Ascensión recta | 20,7 h |
| Declinación | +13,8° |
| Área | 189 graos cadrados
Rango 69º |
| Número de estrelas
(magnitude < 3) |
0 |
| Estrela máis brillante | Rotanev (β Del)
(magnitude ap. 3,63) |
| Choiva de meteoros |
Ningunha |
| Constelacións
lindeiras |
|
| Visible en latitudes entre +90° e −70°
Mellor visibilidade ás 21:00 (9 p.m.) durante o mes de setembro | |
Delphinus ten o aspecto dun golfiño ó saltar e pode ser recoñecida de xeito dóado no firmamento. Atópase rodeada por Vulpecula (a raposa), Sagitta (a frecha), (Aquila) a aguia , a constelación zodiacal de Acuario, o pequeno cabalo Equuleus e finalmente por Pegaso, o cabalo alado. Outro xeito de recoñecela é por ter unha forma semellante a dunha cometa é polo seu pequeno tamaño.
Estrelas principais
editar- α Delphini (Sualocin), de magnitude 3,8, ten sete compoñentes, aínda que só dúas delas forman un sistema estelar.
- β Delphini (Rotanev), a máis brillante da constelación (magnitude 3,6), é igualmente unha estrela múltiple de cinco compoñentes, aínda que só dúas delas están fisicamente relacionadas.
- γ Delphini, unha das estrelas binarias máis estudadas composta por unha subxigante laranxa e unha anana amarela.
- δ Delphini, estrela variable de magnitude 4,43. Xunto coas tres anteriores forma o asterismo chamado o Féretro de Job.
- ε Delphini (Deneb Dulfim), estrela azul de magnitude 3,95, a terceira máis brillante da constelación.
- ζ Delphini, estrela branca da secuencia principal de magnitude 4,68.
- ρ Aquilae, a pesar da súa denominación pertence á constelación de Delphinus, á que entrou dende Aquila no 1992. A súa magnitude é 4,94.
- R Delphini, variable tipo Mira de brillo variable entre magnitude 8,3 e 13,3 cun período de 285 días.
- U Delphini, xigante vermella e variable semirregular cun período principal duns 1.200 días.
- EU Delphini, tamén xigante vermella e variable semirregular cun período de 59,7 días.
- HD 195019, estrela binaria cun exoplaneta do tipo "Xúpiter quente".
- HD 196885 (HR 7907), estrela subxigante amarela cun planeta extrasolar.
Obxectos notables de espazo profundo
editar- Nebulosas planetarias NGC 6891 e NGC 6905.
- NGC 7006, cúmulo globular de magnitude 12, situado a case a 160.000 anos luz.
- NGC 6934, tamén un cúmulo globular de magnitude 9,75.
Mitoloxía
editarSegundo a lenda, Anfítrite, unha das Nereidas, accedeu a casar con Poseidón, do que tiña tentado escapar e agocharse, pero foi atopada por un golfiño. Poseidón quedou tan agradecido ó golfiño que o puxo entre as estrelas.
Notas
editar- ↑ Cambados Márquez, Xoaquín Evaristo. "Algunhas notas referentes ó nome galego estándar das constelacións" (PDF). Consultado o 12 de outubro de 2016.
Véxase tamén
editar| Wikimedia Commons ten máis contidos multimedia na categoría: Delphinus |