Democracia Ourensana
Democracia Ourensana é un partido político ourensán de ámbito provincial dirixido por Gonzalo Pérez Jácome.[3] Dende o 2019 ostenta a alcaldía da cidade de Ourense.
| Democracia Ourensana | |
|---|---|
| Partido político de Galicia | |
 | |
| Dirixentes e organización | |
| Líder | Gonzalo Pérez Jácome |
| Historia | |
| Fundación | Xuño do 2001 |
| Posicións políticas | |
| Ideoloxía | Rexionalismo Persoalismo |
| Representación | |
| Parlamento de Galicia | 1 / 75 |
| Concello de Ourense | 10 / 27 |
| Deputación de Ourense | 3 / 25 |
| Concello do Pereiro de Aguiar | 0 / 13 |
| Concello de Barbadás | 1 / 17 |
| Outros datos | |
| Sede | Praza Maior 1, 32005 Ourense(Soto da casa do concello) |
| Na rede | |
| https://www.democraciaourensana.es | |
   | |
Ideoloxía
editarO partido rexeita a adscrición á dereita ou á esquerda convencionais ("D.O. no es de derechas ni de izquierdas, sino de Ourense").[4] Con todo, Natalia Puga caracterízao como "populismo de dereitas" e Onda Cero como "localista".[5]
A pesar do seu proclamado carácter transversal,[6] o seu histórico na política municipal, provincial e galega caracterizouse polas alianzas máis ou menos consistentes co Partido Popular: en 2014, favoreceu o acceso á alcaldía do candidato popular Jesús Vázquez; en 2019, obtivo a alcaldía sendo a terceira forza do consistorio ourensán, pasando a integrar os populares no goberno, até a súa ruptura en xullo de 2022, despois de favorecer igualmente a continuidade de José Luís Baltar á fronte da Deputación. Logo das municipais de 2023, DO e PP alcanzaron un acordo para accederen ao mando do Concello da capital e da Deputación, respectivamente, en solitario. Finalmente, após as eleccións ao Parlamento de Galicia de 2024, o seu único representante, Armando Ojea, abstívose na votación de investidura de Alfonso Rueda.
Por outro lado, o seu líder Gonzalo Pérez Jácome ten desacreditado publicamente os seus adversarios de esquerdas, como o PSdG-PSOE ou o BNG, afirmando sobre este último que "é un partido soviético e Pontón unha radical que defendía terroristas".[7]
Por outro lado, DO renega do galego como lingua vehicular no ámbito público, non sendo usada habitualmente polo seu líder nin de forma sistemática a través das súas canles de comunicación, o que coloca este partido fóra do consenso da normalización lingüística do período autonómico.[1][8] [9][10]
Historia
editar2001-2011: primeiros anos
editarFundación do partido e a canle de televisión
editarO partido fundouse e 2001[11] en torno á canle de televisión local Auria TV[12] por Gonzalo Pérez Jácome xunto a Armando Ojea, Manuel Álvarez. Rebeca Santos e Juan Carlos Frasero.[13]
Primeiros anos na oposición
editarGonzalo Pérez Jácome foi o candidato de Democracia Ourensana á alcaldía de Ourense nas eleccións de 2003 e 2007, pero non logrou representación. En 2011 o partido entrou na corporación municipal ó lograr dous concelleiros: Pérez Jácome e Susana Gómez Valencia.
Resultados electorais de Democracia Ourensana
editar| Data | Tipo | Cabeza de lista | Votos | Escanos | Lugar |
|---|---|---|---|---|---|
| Eleccións municipais de 2003 | Municipais | Gonzalo Pérez Jácome | 284 | 0 | Ourense |
| Eleccións ao Parlamento de Galicia de 2005 | Autonómicas | 638 | 0 | Galicia | |
| Eleccións municipais de 2007 | Municipais | Gonzalo Pérez Jácome | 1757 | 0 | Ourense |
| Eleccións ao Parlamento de Galicia de 2009 | Autonómicas | 1023 | 0 | Galicia | |
| Eleccións municipais de 2011 | Municipais | Gonzalo Pérez Jácome | 4529 | 2 | Ourense |
| Eleccións ao Parlamento de Galicia de 2012 | Autonómicas | Rafael Martínez Cachafeiro | 4245 | 0 | Galicia |
| Eleccións municipais de 2015 | Municipais | Gonzalo Pérez Jácome | 13.679 | 8 | Ourense |
| Serafina Varelas Vieira | 630 | 2 | Barbadás | ||
| Ana Fernández Iglesias | 437 | 2 | O Pereiro de Aguiar | ||
| Eleccións ao Parlamento de Galicia de 2016 | Autonómicas | Miguel Caride[14] | 7679 | 0 | Galicia |
| Eleccións municipais de 2019 | Municipais | Gonzalo Pérez Jácome | 12.009 | 7 | Ourense |
| Serafina Varelas Vieira | 499 | 1 | Barbadás | ||
| Francisco González Fraga | 261 | 1 | O Pereiro de Aguiar | ||
| Eleccións ao Parlamento de Galicia de 2020 | Autonómicas | Non presentaron candidatura | |||
| Eleccións municipais de 2023 | Municipais | Gonzalo Pérez Jácome | 18.388 | 10 | Ourense |
| Daniel Rey López | 460 | 1 | Barbadás | ||
| David Pérez Lorenzo | 185 | 0 | O Pereiro de Aguiar | ||
| Eleccións ao Parlamento de Galicia de 2024 | Autonómicas | Armando Ojea[15] | 15.312 | 1 | Galicia |
Auria TV
editar- Artigo principal: Auria TV.
Auria TV é unha canle de ámbito local propiedade de Gonzalo Pérez Jácome, líder de Democracia Ourensana, dispoñible na canle 51 en Ourense[16] que tamén está en YouTube. Foi a primeira cadea de televisión de España en emitir programas en bucle para telos dispoñibles a distintas horas do día.[17] Emite, basicamente, propaganda, roldas de prensa e algúns programas sobre política provincial.[18][17][16]
Notas
editar- ↑ 1,0 1,1 1,2 1,3 "Resultados eleccións municipais 2019". Arquivado dende o orixinal o 25 de xuño de 2019. Consultado o 31 de maio de 2019.
- ↑ "Pleno da Deputación de Ourense". Deputación de Ourense. Arquivado dende o orixinal o 01-02-2018. Consultado o 20-10-2017.
- ↑ "Historia de Democracia Ourensana". www.democraciaourensana.es (en castelán). Arquivado dende o orixinal o 15-10-2017. Consultado o 20-10-2017.
Gonzalo Pérez Jácome, presidente del partido [...]
- ↑ "¿Quiénes somos?". Democracia Ourensana (en castelán). Consultado o 2024-04-12.
- ↑ "Qué es Democracia Ourensana, el partido que ha logrado entrar en el parlamento gallego | Onda Cero Radio". www.ondacero.es (en castelán). 2024-02-18. Consultado o 2024-04-12.
- ↑ Fernández, María (2024-02-06). "Armando Ojea (Democracia Ourensana): “Si conseguimos representación, pactaremos con el diablo. ¿Acaso no pactamos con los Baltar?”". El País (en castelán). Consultado o 2024-04-12.
- ↑ "Gonzalo P. Jácome: «El BNG es un partido soviético y Pontón una radical que defendía terroristas»". Consultado o 2024-04-12.
- ↑ "Historia de Democracia Ourensana". www.democraciaourensana.es (en castelán). Arquivado dende o orixinal o 15-10-2017. Consultado o 20-10-2017.
- ↑ "Resultados Electorales en O Pereiro de Aguiar: Elecciones Municipales 2015". El País (en castelán). Consultado o 20-10-2017.
- ↑ "Resultados Electorales en Barbadás: Elecciones Municipales 2015". El País (en castelán). Consultado o 20-10-2017.
- ↑ "Un político local de Ourense aspira a igualar el reto del alcalde de Oporto". Mundiario (en castelán). Consultado o 2015-03-15.
- ↑ "Pérez Jácome, empresario, 'estrella' televisiva y ahora alcalde de Ourense". La Vanguardia (en castelán). Consultado o 2020-11-19.
- ↑ "Ourense, ya en manos de Jácome: "El objetivo es transformar esta ciudad"". La Región (en castelán). Consultado o 2019-06-03.
- ↑ "Jácome envía a su «ala izquierdista» a las autonómicas". La Voz de Galicia (en castelán). 30-03-2016. Consultado o 15-10-2017.
- ↑ "Armando Ojea Bouzo". parlamentodegalicia.gal. Consultado o 4 de setembro de 2024.
- ↑ 16,0 16,1 "CANALES TDT OURENSE - orense tv frecuencias galiza". www.tdt1.com (en castelán). Arquivado dende o orixinal o 02 de febreiro de 2018. Consultado o 2018-01-07.
- ↑ 17,0 17,1 "Auria TV – Canal 51 de la TDT de Ourense". auria.es (en castelán). Arquivado dende o orixinal o 07 de marzo de 2018. Consultado o 2018-01-07.
- ↑ Canle Auria TV en YouTube