Coroa austríaca

As moedas cuñáronse nos mesmos metais e coas mesmas características métricas que as correspondentes ás anteriores series de coroas austrohúngaras.

Para facilitar a introdución da nova moeda emitíronse moedas de 100, 200 e 1.000 coroas inmediatamente antes de 1925, que tiñan características similares ás das moedas fraccionarias equivalentes que as substituíron (de un, dous e dez groschen).^[1]

Anverso	Reverso	Valor	Diámetro	Grosor	Peso	Aliaxe	Canto	Gravador	Datas	Tiraxe
		100 coroas [2]	17 mm	1 mm	1,666	Cobre/estaño/cinc 950/40/10	Liso	Heinrich Zita	1923 1924	5.603.680 43.813.820
		200 coroas [3]	19 mm	1,5 mm	3,33	Cobre/estaño/cinc 950/40/10	Liso	Filip Häuslerr	1924	57.160.000
		1.000 coroas [4]	22 mm	1,5 mm	4,5	Cobre/níquel 750/250	Liso	Heinrich Zita	1924	72.353.000

Consonte o Tratado de Saint-Germain-en-Laye, a República de Austria, do mesmo xeito que os demais estados xurdidos da desintegración do Imperio Austrohúngaro, tivo a obriga de sobreimprimir o papel moeda imperial que circulaba no seu territorio, para o oficializar como de curso legal no novo Estado, con carácter provisional e como paso previo á implantación dunha nova moeda nacional.^[5]

En cumprimento deste compromiso, en 1919 sobreestampáronse os billetes do Imperio Austrohúngaro en circulación coa inscrición DEUTSCHÖSTERREICH e emitíronse novos billetes que os reproducían exactamente.^[6][7]

Billetes sobreestampados con «DEUTSCHÖSTERREICH »
Imaxes do anverso e do reverso	Valor nominal	Data da estampaxe (non expresa)	Dimensións	Deseñadores
	1 coroa	9 de xaneiro de 1920	113 × 68 mm	Hans Schramm, Rudolf Rössler, Rudolf Junk
	2 coroas	9 de xaneiro de 1920	125 × 83 mm	Hans Schramm,Rudolf Rössler,Rudolf Junk
	10 coroas	12 de marzo de 1920	150 × 80 mm	Josef Pfeiffer
	20 coroas	12 de marzo de 1920	150 × 90 mm	Josef Pfeiffer
	50 coroas	12 de marzo de 1920	160 × 100 mm	Josef Pfeiffer
	100 coroas	12 de marzo de 1920	163 × 108 mm	Josef Pfeiffer
	1.000 coroas	12 de marzo de 1920	192 × 128 mm	Rudolf Rössler,Heinrich Lefler
	10.000 coroas	1920	192 × 128 mm	Rudolf Rössler,Heinrich Lefler

A partir de 1920, apareceu nos billetes un novo reselo: «Ausgegeben nach dem 4. Oktober 1920» ("Expedido despois do 4 de outubro de 1920").^[6][7]

Billetes sobreestampados con «Ausgegeben nach dem 4. Oktober 1920»
Imaxes do anverso e do reverso	Valor nominal	Data de estampaxe (non expresa)	Dimensións	Deseñadores
	1 coroa	21 de outubro de 1920	113 × 68 mm	Hans Schramm, Rudolf Rössler, Rudolf Junk
	2 coroas	21 de outubro de 1920	125 × 83 mm	Hans Schramm, Rudolf Rössler, Rudolf Junk
	10 coroas	21 de outubro de 1920	150 × 80 mm	Josef Pfeiffer
	20 coroas	21 de outubro de 1920	150 × 90 mm	Josef Pfeiffer
	50 coroas	21 de outubro de 1920	160 × 100 mm	Josef Pfeiffer
	100 coroas	21 de outubro de 1920	163 × 108 mm	Josef Pfeiffer
	1.000 coroas	21 de outubro de 1920	192 × 128 mm	Rudolf Rössler, Heinrich Lefler

En 1922 introduciuse unha nova serie de billetes cun deseño completamente novo para cumprir o segundo paso do proceso, superando a fase da reestampaxe do circulante anterior. A serie contiña billetes cos seguintes valores: 1, 2, 10, 20, 100, 1.000, 5.000, 20.000, 100.000 e 500.000 coroas.^[7][8]

Esta serie continuaba a ser emitida en nome do banco imperial (o Oesterreichisch-ungarische Bank), aínda que os billetes tiñan ambas as faces en lingua alemá (durante o imperio alternaban unha en alemán e outra en húngaro).^[7]

Billetes a nome do Banco Austrohúngaro
Imaxes do anverso e do reverso	Valor nominal	Data de emisión	Dimensións	Deseñadores
	1 coroa [9]	2 de xaneiro de 1922	76 × 56 mm	Rudolf Junk
	2 coroas [10]	2 de xaneiro de 1922	82 × 60 mm	Rudolf Junk, Rudolf Rössler
	10 coroas [11]	2 de xaneiro de 1922	94 × 70 mm	Rudolf Junk, Rudolf Rössler
	20 coroas [12]	2 de xaneiro de 1922	100 × 74 mm	Rudolf Junk, Rudolf Rössler
	100 coroas [13]	2 de xaneiro de 1922	107 × 79 mm	Rudolf Junk, Rudolf Rössler
	1.000 coroas [14]	2 de xaneiro de 1922	116 × 86 mm	Rudolf Junk, Rudolf Rössler
	5.000 coroas [15]	2 de xaneiro de 1922	193 × 106 mm	Hans Schramm, Rudolf Junk
	50.000 coroas [16]	2 de xaneiro de 1922	193 × 106 mm	Hans Schramm, Rudolf Junk
	100.000 coroas [17]	2 de xaneiro de 1922	195 × 132 mm	Hans Schramm, Rudolf Junk
	500.000 coroas [18]	20 de setembro de 1922	198 × 107 mm	Karl Sterrer, Rudolf Junk

En 1924 completouse a serie de valores anterior coa emisión de billetes de 10.000 coroas. A autoridade emisora deste billete xa non foi o banco imperial, senón o novo Banco Nacional Austríaco (Oesterreichische Nationalbank), que se acababa de crear.^[19]

Tamén se considerou a emisión dun billete dun millón de coroas, do que se chegaron a imprimir probas, aínda que o proxecto non prosperou.^[20]

O billete de 10.000 coroas foi o único emitido polo Banco Nacional de Austria, xa que, como paso definitivo para cumprir os acordos do Tratado de Saint-Germain-en-Laye, en 1925 abandonouse a moeda herdada do Imperio Austrohúngaro e introduciuse na súa substitución unha nova moeda nacional: o xilin austríaco.

Billetes do Banco Nacional de Austria
Imaxes do anverso e do reverso	Valor nominal	Data de emisión	Dimensións	Deseñador
	10.000 coroas [21]	2 de xaneiro de 1924	126 × 79 mm	Rudolf Junk
	1.000.000 coroas (non emitido) [20]	1 de xullo de 1924	193 × 93 mm	Rudolf Junk,Karl Sterrer

• Coroa (moeda)
• Coroa austrohúngara
• Economía de Austria
• Casa da Moeda de Austria

• Cuhaj G. S. et al. (2011). Standard Catalog of World Coins 1901-2000. Krause Publications. ISBN 978-1-4402-1172-8
• Cuhaj G. S. (2008). Standard Catalog of World Paper Money. General Issues 1368-1960. Krause Publications. ISBN 978-0-89689-730-4