Contrabando
O contrabando é a entrada, a saída e a venda clandestina de mercadorías prohibidas ou sometidas a dereitos nos que se defrauda ás autoridades locais.[1]
Cadro de Georges Morland, 1792.
Tamén se pode entender como a compra ou venda de mercandorías evadindo os aranceis.
O contrabando como conduta humana
editarA conduta humana denominada contrabando inscríbese no marco do dereito penal económico. A economía das nacións necesita ter control sobre as súas importación e exportacións, por canto fai á vida dun país. Desta forma, considérase que comete contrabando aquel que exerce accións ou omisións, mediante unha conduta engañosa, co obxecto de lograr que determinada mercadoría eluda o control do servizo aduaneiro.
En Galicia
editarEn Galicia foi famoso o contrabando na raia con Portugal, destacando, na posguerra, o de café, cobre e mesmo bacallau; durante a segunda guerra mundial, o de wolfram e, en tempos máis modernos, o de gando vacún. Por outra parte, cabe destacar no último terzo do século XX, o de tabaco que, posteriormente, derivou ao narcotráfico.
O contrabando na actualidade
editarNa actualidade, a desaparición de moitos monopolios estatais e a apertura de fronteiras á práctica totalidade dos produtos e ao liberalizatse gran parte dos mercados reduciu a incidencia e relevancia desta figura xurídica en moitos países do mundo.
Porén, o contrabando aínda adoita darse en produtos regulados por monopolios estatais e máis concretamente naqueleos fortemente gravados fiscalmente, o que implica que haxa unha gran diferenza entre o prezo económico real e o prezo final de mercado do produto. Esta diferenza é a que orixina a marxe que converte en atractivo o delito. Os casos máis comúns son os hidrocarburos e o tabaco,[2] así como o alcohol, aínda que este en menor medida.
Notas
editar- ↑ contrabando Arquivado 22 de xullo de 2013 en Wayback Machine. no dicionario da RAG.
- ↑ El contrabando de tabaco como figura fiscal
Véxase tamén
editar| Commons ten máis contidos multimedia sobre: Contrabando |