Linfocito T CD8+

Cando o linfocito T inmaturo (procedente da medula ósea), chega ao timo, comeza a primeira maduración. Así, nos primeiros estadíos, a célula T comeza a producir o receptor de células T, de maneira asimétrica. Primeiro a subunidade β e logo a α. A gran maioría de TCRs expresados son o tipo αβ. Máis tarde comezan a expresar os complexos proteicos CD4 e CD8. Aqueles que produzan complexo CD8 serán os linfocitos CD8+ ou citotóxicos. Rematada a primeira fase de maduración, abandonan o timo e diríxense aos ganglios linfáticos.

Artigo principal: Receptor de células T

Trátase de receptores específicos de linfocitos T, chamados TCR (T-cell receptor en inglés). Estes receptores son complexos proteínicos que constan de varias subunidades. Recoñecen complexos de histocompatibilidade I no caso dos linfocitos T citotóxicos.

A función primordial é a de inducir apoptose en células potencialmente tumorais e infectadas. Ten as posibilidades de:

• Empregar o ligando de Fas (FasL), uníndoo ao receptor Fas da célula diana
• Introducir na célula diana granzimas e activar directamente á caspase-3
• Perforar a membrana da célula diana e destruíla pola entrada masiva de calcio nela

O control destes linfocitos é múltiple:

• En primeiro lugar, o control propio da maduración tímica, que suprime linfocitos T potencialmente perigosos
• A súa activación depende:
  • Da unión do complexo maior de histocompatibilidade tipo I (MHC I) co TCR
  • Da activación vía interleucina-2 por parte dun linfocito Th2 ou dun macrófago.