Briallos, Portas
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2013.) |
Atención: Este artigo ou sección semella conter investigacións orixinais. |
San Cristovo de Briallos é unha parroquia que se localiza no concello de Portas. Segundo o INE en 2010 tiña 422 habitantes (227 mulleres e 195 homes), distribuídos en 9 entidades de poboación, o que supón unha diminución en relación ao ano 1999 cando tiña 473 habitantes.
| Briallos | |
|---|---|
 Peto de ánimas | |
| Concello | Portas[1] |
| Provincia | Pontevedra |
| Coordenadas | 42°33′07″N 8°38′19″O / 42.55194444, -8.63861111 |
| Poboación | 422 hab. (2010) |
| Entidades de poboación | 16[1] |
| [ editar datos en Wikidata ] | |
Ten unha extensión de 3,7 km², o que a converten na parroquia máis pequena de Portas. Até a creación dos concellos coa División territorial de España en 1833, pertenceu á xurisdición de Peñaflor.
Patrimonio
editarA igrexa parroquial de San Cristovo foi reconstruída en 1727. O 12 de abril do ano 2016 un raio impactou contra a espadana do campanario causando cuantiosos danos na estrutura do mesmo[2]. No interior do templo son interesantes os retablos do século XVIII.
A ermida de San Roque está situada no lugar de Castro. Nela celébranse as festas de San Roque e Nosa Señora de Lourdes.
Nas proximidades da estrada N-550 hai un cruceiro e un peto de ánimas, que ten unha talla e unha inscrición co texto Polas ánimas do purgatorio. Reformado por herdeiros de Manuel Herosa e familia ano de 1.898. Hai outros dous cruceiros en Outeiriño e outro na Bouza de San Blas.
O Camiño portugués, ó saír de Coruto, intérnase na parroquia de Briallos onde o concello posúe un albergue de peregrinos.
Festas
editarA festa de máis sona nesta parroquia é a romaxe de San Brais que se celebra o 3 de febreiro. Celébranse misas durante todo o día nas que os devotos do Santo unxen a gorxa con aceite bendito. Ao finalizar cada acto litúrxico os asistentes mercan os tradicionais fanchucos benditos de San Brais.
O Rosario da Aurora celébrase o último sábado de maio na honra da Virxe Inmaculada. Sae en procesión Nosa Señora pasando polos distintos puntos dunha parte de Briallos, unha procesión longa na que se fan paradas en todos os lugares. A continuación celébrase unha misa cantada.
A festa de San Roque e A Nosa Señora de Lourdes celébrase na capela de San Roque a primeira fin de semana de setembro, o sábado na honra de San Roque e o Domingo na honra da Virxe de Lourdes.
En xullo celébranse as festas patronais na honra da Virxe do Carme, A Nosa Señora do Perpetuo Socorro, San Cristovo (patrón) e o Santísimo Sacramento. No día de San Cristovo as persoas adornan os seus vehículos para saír en procesión detrás do camión que porta a imaxe do Santo, o día seguinte, celébrase o Santísimo, con grandes alfombras florais que ocupan a estrada dende o adro da igrexa ata o cruceiro de pedra que se encontra na bouza de San Brais.
Lugares e parroquias
editarLugares de Briallos
editar| Lugares da parroquia de Briallos no concello de Portas (Pontevedra) | |
|---|---|
|
Barosa | Bouza | O Castro | Cima de Vila | A Coita | O Cruceiro | A Igrexa | A Maquieira | Os Margaridos | O Monte | O Outeiriño | Penalta | Piñeiro | O Porto | San Roque | O Souto |
Parroquias de Portas
editar| Galicia | Provincia de Pontevedra | Parroquias de Portas | |
|---|---|
|
Briallos (San Cristovo) | Lantaño (San Pedro) | Portas (Santa María) | Romai (San Xián) |
Notas
editar- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ "Un raio provoca importantes danos no campanario da igrexa de Briallos", artigo en Pontevedra Viva, 13 de abril de 2016.