Brántega, Agolada

O topónimo Brántega é de orixe descoñecida.^[3]

A parroquia de Brántega foi cabeza do concello e nela celebrábase unha importante feira no lugar da Feira Nova o día 26 de cada mes, hoxe desaparecida. Ademais é un nó de comunicacións para as freguesías do arredor e mantén unha certa actividade comercial e de servizos. A súa maior riqueza é a forestal e destaca pola súa produción de cortiza, xa que a sobreira medra en abundancia na cunca do río Arnego, afectada polo incendio de Toiriz en maio de 2018.

A gandería é a principal economía da parroquia e hai plantacións de eucalipto e piñeiro, decote afectadas polos incendios. O resto da economía local é a denominada economía de subsistencia propia das aldeas, entre a que se sitúa a produción apícola, moi afectada polas vespas velutinas^{[Cómpre referencia]}.

Brántega é un nome de raíz céltica. Existen na parroquia varios túmulos funerarios no Campo da Mámoa e en Moas, así como numerosos cruceiros

A igrexa parroquial, do século XVIII, garda un retablo barroco. Ademais da igrexa, hai tres capelas nos lugares de Moas, O Casal e A Feira Nova.

No tocante á arquitectura civil, na aldea de Moas existe un vello casal con escudo nobiliario que pertenceu ao conde de Pallares.

Nesta parroquia tivo a súa sede a Banda de música de Brántega.

O titular de Brántega é San Lourenzo, pero a festa patronal e a de San Bartolomeu o 24 e 25 de agosto^[4].

Celébrase tamén no lugar da Feira Nova a Festa da Santa Cruz.

•  
  Campo da festa de Brántega.
•  
  Monumento aos músicos de Brántega.
•  
  Fonte no campo da feira de Brántega.
•  
  Vistas do val de Brántega.

• González Alén, Daniel; Vázquez Crespo, Armando (1989). A Comarca do Deza. Deputación de Pontevedra. 

• Lugares de Agolada