As Oiras, Alfoz
San Mamede das Oiras é unha freguesía do concello de Alfoz. En 2004 tiña 110 habitantes distribuídos en 15 entidades de poboación e 3 lugares, cunha densidade de 12,8 hab./km². Segundo o IGE, no 2014 a súa poboación descendera ata os 80 habitantes, sendo 36 homes e 44 mulleres.
| As Oiras | |
|---|---|
 Igrexa de San Mamede das Oiras. | |
 | |
| Concello | Alfoz[1] |
| Provincia | Lugo |
| Coordenadas | 43°29′00″N 7°26′00″O / 43.48333333, -7.43333333 |
| Área | 8,57 km² |
| Poboación | 67 hab. (2019) |
| Densidade | 7,82 hab./km² |
| Entidades de poboación | 15[1] |
| [ editar datos en Wikidata ] | |
Ten unha superficie de 8,57 km². Limitada ao norte coa parroquia de Lagoa, ao sur coas do Pereiro e Figueiras (do concello de Mondoñedo), ao leste con Adelán e Figueiras, e ao oeste co Pereiro.
Patrimonio
editarA parroquia pertenceu ao antigo Decanato da Mariña. O seu curato era "de entrada", dotado con 640 reais anuais de renda e de Padroado Real.
A igrexa parroquial de San Mamede das Oiras está situada na aldea da Igrexa. Trátase dun templo reconstruído a comezos do século XX, é de estilo neogótico, cunha soa nave e sancristía situada ao carón da capela maior. Sobre a fachada principal hai unha torre. No interior consérvase un retablo do século XVIII que provén da catedral de Mondoñedo.
O cruceiro das Oiras é un dos numerosos cruceiros da comarca. Do século XIX, está realizado en granito, ten unha cruz que presenta no anverso un Cristo crucificado, e no reverso a Virxe Dolorosa. O capitel ten forma de tronco piramidal, con decoración de volutas. O fuste é octogonal co pedestal cúbico.
Notas
Lugares e parroquias
editarLugares das Oiras
editar| Lugares da parroquia das Oiras no concello de Alfoz (Lugo) | |
|---|---|
|
Aguillón | As Airas | Arriba do Río | O Cabradoiro | A Igrexa | Insua Nova | Insua Vella | O Leboreiro | O Pazo | A Pena Mosqueira | Rego do Aro | A Ribeira | Río das Donas | A Rúa de Escourido | A Rúa | Sesín | A Trabada | O Xogral |
Parroquias de Alfoz
editar