Androxinia

O termo foi mencionado por primeira vez por Platón, que na súa obra O banquete menciona un ser especial que reunía no seu corpo o sexo masculino e o feminino ou outras combinacións. Segundo relata o mito, estes seres intentaron invadir o Monte Olimpo, lugar onde vivían os deuses. Zeus, anoxado ao se decatar disto, lanzoulles un raio, partíndoos pola metade. Desde entón, quedaron divididos e os homes e as mulleres andan na procura da outra metade. Este mito dá explicación á homosexualidade e heterosexualidade na antigüidade, xa que segundo o relato había andróxinos compostos por dúas metades homes e dúas metades mulleres. A interpretación do amor como unha forza que empuxa a unha persoa a buscar o seu complemento psicolóxico na relación de parella con outra persoa (a súa "alma xemelga").