Unió Esportiva Costa Brava
| UE Costa Brava | |||
|---|---|---|---|
| Nome | Unió Esportiva Costa Brava | ||
| Fundación | 1947 | ||
| Estadio | Nou Estadi de Palamós,[1] Palamós, Xirona | ||
| Inauguración | 1948 | ||
| Capacidade | 1.000 | ||
| Presidente | Isabel Tarragó | ||
| Adestrador | Oriol Alsina | ||
| Liga | Primeira RFEF | ||
| 2020–21 | 4º | ||
| Na rede | |||
| http://www.uellagostera.com/ | |||
| |||
A Unió Esportiva Costa Brava, anteriormente coñecida como Unió Esportiva Llagostera-Costa Brava, é un club de fútbol español de Llagostera, na provincia de Xirona. Foi fundado en 1947 como Unión Deportiva Llagostera, e actualmente xoga na Primeira División RFEF.
Historia
[editar | editar a fonte]Co nome orixinal de Unión Deportiva Llagostera, o club foi fundado en novembro de 1947 polo entón alcalde da localidade, Leandre Calm, quen foi tamén o seu primeiro presidente.
A UE Llagostera pasou o seu primeiro século de vida nas categorías rexionais do fútbol catalán. A súa historia cambiou coa chegada ao banco de Oriol Alsina. O club, que a tempada 2004/05 militaba en Segunda Territorial, logrou catro ascensos en cinco anos, debutando en Terceira División en 2009. En xullo de 2008 Isabel Tarragó, esposa do técnico, Oriol Alsina, accedeu á presidencia do club en substitución de Josep Valentí.[2]
A tempada 2010/11 logra o maior éxito da súa historia ata o momento, ao proclamarse campión de Terceira División na súa segunda campaña na categoría. No play-off de campións gaña ao CCD Cerceda por 2-0 na ida e 0-1 na volta en Galicia e ascende por primeira vez na súa historia a Segunda División B.
Na tempada 2011/12, a primeira na categoría de bronce, acaba a liga en quinta posición a un punto do play-off de ascenso a Segunda. Ademais, nesa tempada debuta na Copa do Rei, caendo eliminado na terceira rolda.
Na tempada 2012/13 acaba a liga en 10ª posición e chega ata os dezaseisavos de final na Copa do Rei, caendo eliminado polo Valencia CF (0-2 no Municipal de Llagostera, 3-1 en Mestalla).
Na tempada 2013/14 logra o maior éxito da súa historia ao proclamarse campión do grupo III da Segunda División B. No play-off de campións é eliminado polo Racing de Santander cun gol no último minuto do partido de volta en El Sardinero, logo do 0-0 en Llagostera, e non consegue ascender de forma directa. Na segunda rolda do play-off elimina o Real Avilés cun global de 2-3 (2-0 no Estadio Román Suárez Puerta e 3-0 no Municipal) e na terceira xogarase o ascenso contra o Nàstic de Tarragona.
En agosto de 2021 o club anunciou o cambio do seu nome a Unió Esportiva Costa Brava.[3]
Uniforme
[editar | editar a fonte]- Uniforme titular: Camiseta, pantalón e medias brancas.
- Uniforme do 50 aniversario: Camiseta negra cunha franxa branca, pantalón negro e medias negras.
Estadio
[editar | editar a fonte]- Artigo principal: Camp Municipal de Llagostera.
- Artigo principal: Nou Estadi de Palamós.
A UE Llagostera xoga como local no Camp Municipal d'Esports de Llagostera, situado na Avinguda de l'Esport. O recinto foi inaugurado o 3 de febreiro de 1948. Os sucesivos ascensos da UE Llagostera nos anos 2000 obrigaron a remodelar o degradado estadio, polo que o club viuse obrigado a xogar, temporalmente, na veciña localidade de Santa Cristina d'Aro. As obras realizáronse durante a tempada 2008/09 e culminaron coa instalación de céspede artificial.
En 2014 presentouse a imposibilidade de cumprir os requisitos da Liga de Fútbol Profesional para xogar en Segunda división e o Llagostera tivo que buscar outro estadio para xogar. Despois de que as negociacións para xogar no Estadi Municipal de Montilivi non prosperaran,[4] finalmente o primeiro equipo do Llagostera optou por xogar no Nou Estadi de Palamós.[1] Aínda que este estadio acolleu partidos de Segunda do Palamós entre 1989 e 1995, houbo que facer algunhas remodelacións.[5]
Datos do club
[editar | editar a fonte]- Tempadas en 1ª: 0
- Tempadas en 2ª: 1 (Incluída a 2014/15)
- Tempadas en 2ªB: 3
- Tempadas en 3ª: 2
- Mellor posto na liga: 1º (Segunda División B Española tempada 13-14)
- Fases de ascenso a Segunda: 1
- Fases de ascenso a Segunda B: 1 (1 ascenso)
Historial por tempadas
[editar | editar a fonte]| Tempada | Categoría | Posto | Copa |
|---|---|---|---|
| 1947–97 | Rexional | — | |
| 1997/98 | 3ª Territorial | 1º | |
| 1998/99 | 2ª Territorial | 3º | |
| 1999/00 | 2ª Territorial | 6º | |
| 2000/01 | 2ª Territorial | 16º | |
| 2001/02 | 2ª Territorial | 14º | |
| 2002/03 | 2ª Territorial | 8º | |
| 2003/04 | 2ª Territorial | 16º | |
| 2004/05 | 2ª Territorial | 2º | |
| 2005/06 | 1ª Territorial | 1º | |
| 2006/07 | Preferent Territ. | 8º | |
| 2007/08 | Preferent Territ. | 2º | |
| 2008/09 | 1ª Catalana | 3º | |
| 2009/10 | 3ª | 7º | |
| 2010/11 | 3ª | 1º | |
| 2011/12 | 2ªB | 5º | 3ª Rolda |
| 2012/13 | 2ªB | 10º | 1/32 |
| 2013/14 | 2ªB | 1º | |
| 2014/15 | 2ª | 9º | 2ª rolda |
| 2015/16 | 2ª | 20º | 1/32 |
| 2016/17 | 2ªB | 14º | 2ª rolda |
| 2017/18 | 2ªB | 16º | |
| 2018/19 | 3ª | 1º | |
| 2019/20 | 2ªB | 13º | 1ª rolda |
| 2020/21 | 2ªB | 4º | 1ª rolda |
| 2021/22 | 1ª RFEF |
Palmarés
[editar | editar a fonte]Notas
[editar | editar a fonte]- ↑ 1,0 1,1 Marca (ed.). "O Llagostera xogará en Palamós".
- ↑ [1]
- ↑ "El Llagostera, ara UE Costa Brava, canvia de nom “per supervivència”" (en catalán). 31 de xullo de 2021. Consultado o 13 de novembro de 2021.
- ↑ Diari de Girona, ed. (5 de xullo de 2014). "Montilivi, só para o Girona".
- ↑ Ribas, Ramon (7 de xullo de 2014). Diari de Girona, ed. "O Llagostera xogará en Palamós". Consultado o 7 de xullo de 2014.
Véxase tamén
[editar | editar a fonte]Ligazóns externas
[editar | editar a fonte]- Sitio web oficial Arquivado 13 de xullo de 2011 en Wayback Machine.
- Web da UE Llagostera en Futbolme.com