Professional Development League

Professional Development League

Tipo	liga de fútbol

A Professional Development League é un sistema de ligas de fútbol xuvenil que están xestionadas, organizadas e controladas pola Premier League ou a Football League. Foi introducido pola FA a través da Elite Player Performance Plan en 2012.^[1] O sistema introduciuse a principios de 2012 e estivo activo por primeira vez durante a tempada 2012-13. É o sucesor da Premier Reserve League, Premier Academy League e a Football Combination. A Football League Youth Alliance creou a League 2 para os sub-18. O sistema abrangue as categorías sub-18, sub-21 e sub-23.^[1]

Anteriormente, os clubs que participaban na Premier Reserve League (o máis alto nivel do fútbol de reserva en Inglaterra) eliminábanse da competición se o seu primeiro equipo da Premier League descendera e eran substituídos por un equipo ascendido. Baixo o sistema da Professional Development League, os equipos de reserva da Premier League non están directamente relacionados co estado do primeiro equipo da Premier League. En cambio, hai tres Professional Development Leagues diferentes, unha por cada nivel de grupo de idade e os catro clubs mellor clasificados do sistema de ligas de fútbol de Inglaterra colócanse no sistema baseándose na avaliación da súa academia para o Elite Player Performance Plan (EPPP).

De 2012 a 2016, a liga xuvenil máis importante das academias da categoría 1 da EPPP foi a liga sub-21 coñecida como Premier League sub-21, con tan só catro xogadores no campo superando a idade da categoría. Desde a tempada 2016–17 en adiante, a competición denomínase Premier League 2 e o límite de idade aumentou dos 21 aos 23 anos.^[2]

A competición divídese en dúas divisións, con ascensos e descensos entre elas. Os clubs da Premier League 2 poden tamén disputar a Premier League Cup, a Premier League International Cup e mais o EFL Trophy, restrinxido a futbolistas sub-21.^[3]

A Professional Development League é a segunda categoría de importancia do sistema de ligas xuvenil da EPPP. Está composta por dúas divisións rexionais, decidíndose o gañador global tras a serie de play-offs de fin de tempada —os equipos clasificados nas dúas primeiras posicións de ambas divisións pasan a disputar semifinais e final para así determinar o campión xeral.

A liga sub-18 creouse para as academias da categoría 1 da EPPP, xunto coa formación da Professional Development League en 2012 en substitución da Premier Academy League. Denominada Premier League sub-18, a competición divídese en dúas divisións rexionais. Os dous gañadores de cada división disputan a final para determinar os campións na xeral. Os vencedores da máxima división clasifícanse para a UEFA Youth League.

A Professional Development League sub-18 é a segunda categoría de importancia do sistema de ligas sub-18 do EPPP. Está composta por dúas divisións rexionais, decidíndose o gañador global tras a serie de play-offs de fin de tempada —os equipos clasificados nas dúas primeiras posicións de ambas divisións pasan a disputar semifinais e final para así determinar o campión xeral.

A Galipedia ten un portal sobre: Fútbol

A Galipedia ten un portal sobre: Reino Unido