Shiyan

Shiyan, tamén coñecidos como SY, é o nome dunha serie de satélites da República Popular da China adicados a facer diversos experimentos e probar novas tecnoloxías no espazo. Os primeiros SY lanzáronse en 2004.^[1]

Shiyan 1 e 2 foron os dous primeiros satélites da serie Shiyan en ser lanzados. Os dous engalaron a bordo de foguetes Longa Marcha 2C, o primeiro o 18 de abril de 2004 e o segundo o 18 de novembro do mesmo ano. Tiñan unha masa de 204 kg e levaban un sistema experimental de imaxe dixital capaz de obter imaxes estereográficas da superficie terrestre con usos civís e militares.^[2][1]

Shiyan 3 e 4 foron lanzados mediante foguetes Longa Marcha 2D o 5 de novembro de 2008 e o 20 de novembro de 2011 respectivamente. Cunha masa de 204 kg, tamén foron adicados a probar un sistema experimental de imaxe dixital.^[3][1]

Shiyan 5 usaba o bus CAST 1000 e foi lanzado mediante un Longa Marcha 2D para facer probas dun sistema de sensores remotos.^[4][1]

Os tres satélites Shiyan 6 foron lanzados entre 2018 e 2021 mediante foguetes CZ-2D e CZ-4B para estudar a contorna espacial, pero non se coñecen máis detalles dos mesmos.^[5][1]

Ás veces referido como Shiyan 7A e Shiyan 7B, Shiyan 7 (tamén denominado Tansuo 7) foi lanzado o 19 de xullo de 2013 mediante un CZ-4C para, unha vez en órbita, despregar un subsatélite (Shiyan 7B). O satélite principal levaba un brazo robótico e ambos satélites fixeron manobras e probas conxuntas, acoplándose e desacoplándose varias veces. A masa conxunta dos satélites era de 204 kg.^[6][1]

Shiyan 9 foi lanzado a bordo do segundo CZ-7A en engalar, o 11 de marzo de 2021, para facer experimentos non determinados.^[7][1]

O primeiro satélite Shiyan 10 foi lanzado nun Longa Marcha 3B o 27 de setembro de 2021. Aparentemente sufriu problemas no seu sistema de enerxía. Un segundo Shiyan 10 foi lanzado no mesmo tipo de foguete o 29 de decembro de 2022.^[8][1]

Shiyan 11 foi lanzado a unha órbita de 489 x 502 km de altura e 97,45° de inclinación orbital o 24 de novembro de 2021 mediante un foguete Kuaizhou 1A.^[9][1]

Shiyan 12 1 e 2 tamén foron coñecidos en conxunto como HOTS (High Orbit Test Satellite) e o seu propósito é descoñecido. Ambos foron lanzados a bordo dun CZ-7A o 23 de decembro de 2021.^[10][1]

Shiyan 13 engalou a bordo dun CZ-2D o 17 de xaneiro de 2022 a unha órbita de 468 x 493 km e 97,44° de inclinación.^[11][1]

Shiyan 14 foi un satélite experimental con fins descoñecidos lanzado a bordo dun Kuaizhou 1A o 24 de setembro de 2022 xunto con Shiyan 15.^[12][1]

Shiyan 15 foi lanzado no mesmo foguete Kuaizhou 1A que Shiyan 14, aínda que tiñan fins distintos. Está adicado á observación da Terra para mellorar a planificación urbanística, o estudo da superficie e a prevención e mitigación de desastres naturais.^[13][1]

Shiyan 16A e 16B foron lanzados cunha misión similar á de Shiyan 15. Engalaron no mesmo foguete CZ-6 o 26 de setembro de 2022 xunto con Shiyan 17.^[14][1]

Shiyan 17 ten unha misión parecida á de Shiyan 16A, 16B e Shiyan 15 e foi lanzado no mesmo foguete que os dous primeiros.^[15][1]

Shiyan 19 foi lanzado cunha misión experimental descoñecida a bordo dun foguete Longa Marcha 11 o 15 de marzo de 2023.^[16][1]

Os tres satélites Shiyan 20 foron lanzados a órbita cunha misión experimental non especificada. Shiyan 20A e Shiyan 20B engalaron o 12 de decembro de 2022 a bordo dun CZ-4C, mentres que Shiyan 20C fixo o propio o 29 de outubro dese mesmo ano pero a bordo dun CZ-2D.^[17][1]

Shiyan 21 é un satélite experimental con obxectivos non coñecidos lanzado a bordo dun CZ-11 o 16 de decembro de 2022.^[18][1]

Os dous satélites Shiyan 22 chegaron a órbita no mesmo foguete CZ-2D o 13 de xaneiro de 2023 coa misión de estudar novas tecnoloxías para estudar a contorna espcial.^[19][1]

Shiyan 23 foi lanzado mediante un foguete CZ-4C o 11 de maio de 2024. Está adicado á monitorización da contorna espacial.^[20][1]

Os cinco satélites Shiyan 24 son demostradores tecnolóxicos lanzados os dous primeiros (Shiyan 24A e 24B) nun Lijian-1 o 7 de xuño de 2023, mentres que os tres últimos o foron nun CZ-11H o 25 de decembro de 2023.^[21][1]

Shiyan 25 foi lanzado a órbita o 20 de xuño de 2023 a bordo dun Longa Marcha 6 para probar novas tecnoloxías de observación da Terra.^[22][1]

Misión[1][2][3][4][5][6][7][8][9][10][11][12][13][14][15][16][17][18][19][21][22][20]	Data de lanzamento[1][2][3][4][5][6][7][8][9][10][11][12][13][14][15][16][17][18][19][21][22][20]	Foguete lanzador[1][2][3][4][5][6][7][8][9][10][11][12][13][14][15][16][17][18][19][21][22][20]	Notas[1][2][3][4][5][6][7][8][9][10][11][12][13][14][15][16][17][18][19][21][22][20]
Shiyan 1	18 de abril de 2004	CZ-2C	Éxito
Shiyan 2	18 de novembro de 2004	CZ-2C	Éxito
Shiyan 3	5 de novembro de 2008	CZ-2D	Éxito
Shiyan 4	20 de novembro de 2011	CZ-2D	Éxito
Shiyan 7A	19 de xullo de 2013	CZ-4C	Éxito
Shiyan 7B	19 de xullo de 2013	CZ-4C	Éxito
Shiyan 5	25 de novembro de 2013	CZ-2D	Éxito
Shiyan 6 1	19 de novembro de 2018	CZ-2D	Éxito
Shiyan 6 2	4 de xullo de 2020	CZ-2D	Éxito
Shiyan 9	11 de marzo de 2021	CZ-7A	Éxito
Shiyan 6 3	8 de abril de 2021	CZ-4B	Éxito
Shiyan 10 1	27 de setembro de 2021	CZ-3B	Éxito
Shiyan 11	24 de novembro de 2021	KZ-1A	Éxito
Shiyan 12 1	23 de decembro de 2021	CZ-7A	Éxito
Shiyan 12 2	23 de decembro de 2021	CZ-7A	Éxito
Shiyan 13	17 de xaneiro de 2022	CZ-2D	Éxito
Shiyan 14	24 de setembro de 2022	KZ-1A	Éxito
Shiyan 15	24 de setembro de 2022	KZ-1A	Éxito
Shiyan 16A	26 de setembro de 2022	CZ-6	Éxito
Shiyan 16B	26 de setembro de 2022	CZ-6	Éxito
Shiyan 17	26 de setembro de 2022	CZ-6	Éxito
Shiyan 20C	20 de outubro de 2022	CZ-2D	Éxito
Shiyan 20A	12 de decembro de 2022	CZ-4C	Éxito
Shiyan 20B	12 de decembro de 2022	CZ-4C	Éxito
Shiyan 21	16 de decembro de 2022	CZ-11	Éxito
Shiyan 10 2	29 de decembro de 2022	CZ-3B	Éxito
Shiyan 22A	13 de xaneiro de 2023	CZ-2D	Éxito
Shiyan 22B	13 de xaneiro de 2023	CZ-2D	Éxito
Shiyan 19	15 de marzo de 2023	CZ-11	Éxito
Shiyan 24A	7 de xuño de 2023	Lijian-1	Éxito
Shiyan 24AB	7 de xuño de 2023	Lijian-1	Éxito
Shiyan 25	20 de xuño de 2023	CZ-6	Éxito
Shiyan 24C-1	25 de decembro de 2023	CZ-11H	Fallo
Shiyan 24C-2	25 de decembro de 2023	CZ-11H	Éxito
Shiyan 24C-3	25 de decembro de 2023	CZ-11H	Éxito
Shiyan 23	11 de maio de 2024	CZ-4C	Éxito

Wikimedia Commons ten máis contidos multimedia na categoría:  Shiyan

• CZ-2C
• CZ-2D
• CZ-4B
• CZ-4C
• CZ-7A
• CZ-3B
• KZ 1A
• CZ-6
• CZ-11
• CZ-11H
• Lijian-1