Nora Ephron

Nora Ephron

(2010)
Biografía
Nacemento	19 de maio de 1941 Upper West Side, Estados Unidos de América (pt)
Morte	26 de xuño de 2012 (71 anos) Manhattan, Estados Unidos de América
Causa da morte	leucemia mieloide aguda (pt) pneumonía
Residencia	Nova York (1962–) Nova York (1941–) Beverly Hills
Relixión	Ateísmo
Educación	Wellesley College (pt) (–1962) High School de Beverly Hills (pt) (–1958)
Actividade
Campo de traballo	Ensaio
Ocupación	guionista, escritora, dramaturga, blogueira, escritora de contos, humorista, ensaísta, novelista, produtora, reporteira, directora de cinema, xornalista, realizadora
Período de actividade	1973 - 2012
Empregador	Newsweek Esquire New York Post (pt) New York Magazine (pt)
Familia
Cónxuxe	Nicholas Pileggi (1987–2012) Carl Bernstein (1976–1980) Dan Greenburg (1967–1976)
Fillos	Jacob Bernstein  () Carl Bernstein
Pais	Henry Ephron   e Phoebe Ephron
Irmáns	Delia Ephron Hallie Ephron Amy Ephron
Premios
(1994)  Premio Crystal (1990)  premiados com o BAFTA de melhor roteiro original (pt) , premiado polo traballo Cando Harry atopou a Sally
Sinatura
Descrito pola fonte	Obálky knih, American Women Writers (en) Women film directors : an international bio-critical dictionary (en)

Nora Ephron,^[1] nada en Nova York o 19 de maio de 1941 e finada na mesma cidade o 26 de xuño de 2012, foi unha xornalista, guionista e cineasta estadounidense. É coñecida polas súas comedias románticas e foi candidata ao Oscar en tres ocasións polos guións orixinais de Silkwood (1983), Cando Harry atopou a Sally (1989) e Algo para recordar (1993). En ocasións escribiu coa súa irmá Delia Ephron. O seu último filme foi Julie & Julia (2009).^[2] A súa primeira obra teatral, Imaginary Friends (2002), foi considerada como unha das dez mellores obras da temporada teatral 2002–03 de Nova York.^[3] Tamén foi a coautora da produción teatral Love, Loss, and What I Wore.^[2][4] En 2013, Ephron recibiu unha candidatura póstuma aos premios Tony á mellor obra por Lucky Guy.^[5]

Ephron naceu en Nova York, nunha familia xudía. Era a máis vella de catro fillas e creceu en Beverly Hills, California.^[6] Os seus pais, Henry e Phoebe (de solteira Wolkind) Ephron, naceran na cosa leste e eran destacados dramaturgos e guionistas. Ephron recibiu o seu nome pola protagonista da obra Casa de bonecas, de Henrik Ibsen.^[7] As irmás máis novas de Nora, Delia e Amy, tamén son guionistas. A súa irmá Hallie Ephron é xornalista, crítica literaria e novelista de obras de ficción criminal. Os seus pais basearon a personaxe inxenua da obra logo levada ao cinema Take Her, She's Mine na súa filla Nora, de vinte e dous anos, e nas súas cartas da universidade.^[8] Ambos os seus pais caeron no alcoholismo no seus últimos anos.^[6] Como estudante de instituto, Nora Ephron soñaba con ira a Nova York e converterse nunha Dorothy Parker, poeta, escritora satírica e crítica.^[9] Ephron citou o seu profesor de xornalismo do instituto, Charles Simms, como o inspirador na procura dunha carreira no xornalismo.^[7] Ephron graduouse do Beverly Hills High School en 1958, e do Wellesley College de Wellesley, Massachusetts, en 1962 cun grao en ciencias políticas.^[10]

She casou tres veces. O seu primeiro matrimonio, co escritor Dan Greenburg, acabou en divorcio despois de nove anos.^[6] En 1976, casou co xornalista Carl Bernstein. En 1979, Ephron tivo un fillo, Jacob, e estaba embarazada do seu segundo fillo Max cando descubriu a relación entre Bernstein e a súa amiga mutua^[11] Margaret Jay, xornalista británica casada. Ephron inspirouse neste feito para escribir a súa novela de 1983 Heartburn,^[12] que foi levada ao cinema en 1986 por Mike Nichols con Jack Nicholson e Meryl Streep. No libro, Ephron escribiu sobre un marido chamado Mark, que era "capaz de ter sexo cunha persiana veneciana".^[6] Tamén escribiu que a personaxe Thelma (baseada en Margaret Jay) parecía unha xirafa con "grandes pés".^[6] Bernstein ameazou con querelarse contra o libro e o filme, mais nunca o fixo.^[8]

Ephron estivo casada durante vinte anos co guionista Nicholas Pileggi, ata a súa propia morte. A parella viviu nos outeiros de Hollywood nos Ánxeles e en Nova York.

O amigo de Ephron Richard Cohen dixo dela, "era moi xudía, cultural e emocionalmente. Identificábase completamente cunha muller xudía".^[13] Non obstante, Ephron non era relixiosa. "Nunca podes ter demasiada manteiga... isto é a miña crenza. Se teño unha relixión, é esta",^[14] dixo nunha entrevista en NPR sobre o seu filme de 2009 Julie & Julia.^[15]

O seu fillo, Jacob Bernstein, dirixiu un filme para HBO sobre a vida da súa nai titulado Everything Is Copy.^[16]

Durante moitos anos, Ephron foi unha das poucas persoas que coñecía a identidade de Deep Throat ("Gorxa profunda"), o informador anónimo dos artigos escritos polo seu ex marido Carl Bernstein e Bob Woodward descubrindo o escándalo Watergate.^[17] Ephron leu as notas de Bernstein, nas que se refería a Deep Throat como "MF";^[17] Bernstein afirmou que se refería a "My Friend" ("O meu amigo"), mais Ephron supuxo correctamente que era unha referencia a Mark Felt, antigo director asociado do FBI.^[17]

Despois da fin do matrimonio de Ephron e Bernstein, Ephron revelou a identidade de Deep Throat ao seu fillo Jacob e a calquera que llo preguntase. Unha vez dixo, "Eu daría discursos diante de 500 persoas e alguén preguntaría, 'Sabe quen é Deep Throat?' e eu respondería, 'É Mark Felt'."^[18][6] Compañeiros de Jacob Bernstein no Dalton School e Vassar College falan de que Jacob revelou a numerosas persoas que Felt era Deep Throat. Esta revelación atraeu pouca atracción dos medios durante o tempo en que a identidade de Deep Throat era un misterio. Ephron dixo que "ninguén, á parte do meu fillo, me cre".^[19][20] Ephron foi invitada por Arianna Huffington a escribir sobre a súa experiencia no Huffington Post, en que era blogueira regular e editora a tempo parcial.^[17]

Como actriz, Nora Ephron aparece en dous filmes dirixidos polo seu amigo Woody Allen. Está acreditada como invitada á voda en Delictos e faltas (1989)^[21] e como invitada á festa en Maridos e mulleres (1992).^[22]

Ano	Título	Acreditada como
		Directora	Guionista	Produtora
1983	Silkwood		Si
1986	Heartburn		Si
1989	Cando Harry atopou a Sally		Si	Si
	Cookie		Si	Si
1990	My Blue Heaven		Si	Si
1991	The Super (sen acreditar)[23]		Si
1992	This Is My Life	Si	Si
1993	Algo para recordar	Si	Si
1994	Mixed Nuts	Si	Si
1996	Michael	Si	Si	Si
1998	All I Wanna Do			Si
	Tes un correo	Si	Si	Si
2000	Hanging Up		Si	Si
	Lucky Numbers	Si		Si
2005	Enfeitizada	Si	Si	Si
2009	Julie & Julia	Si	Si	Si

• Wallflower at the Orgy (1970)
• Crazy Salad: Some Things About Women (1975)^[24]
• The Boston Photographs (1975)
• Scribble, Scribble: Notes on the Media (1978)
• Heartburn (1983, novela)
• I Feel Bad About My Neck: And Other Thoughts on Being a Woman (2006)
• I Remember Nothing: And Other Reflections (2010)
• The Most of Nora Ephron (2013)

• John Williams (27 de xuño de 2012). "Nora Ephron, the Queen of Quips". The New York Times. Consultado o 28 de xuño de 2012. 
• Frank Bruni (27 de xuño de 2012). "At the Table, Nora Ephron Knew Best". The New York Times. Consultado o 28 de xuño de 2012. 
• Julia Moskin (27 de xuño de 2012). "Nora Ephron Never Forgot the Food". The New York Times. Consultado o 28 de xuño de 2012. 
• Neri Livneh (5 de xullo de 2012), "Neri Livneh salutes her heroine, Nora Ephron"
• "Plays by Nora Ephron". Doollee.
• Nora Ephron Arquivado 26 de setembro de 2017 en Wayback Machine., vídeo producido por Makers: Women Who Make America