A Severa
  | |
| Nome orixinal | (pt) Maria Severa Onofriana |
|---|---|
| Biografía | |
| Nacemento | 1820 Lisboa, Portugal |
| Morte | 30 de novembro de 1846 (25/26 anos) Lisboa, Portugal |
| Causa da morte | tuberculose |
| Actividade | |
| Ocupación | cantante |
| Xénero artístico | Fado |
| Instrumento | Guitarra e voz |
 | |
Maria Severa, nada en Lisboa en 1820 e finada o 30 de novembro de 1846, foi unha cantante portuguesa de fado, considerada a mítica fundadora deste estilo[Cómpre referencia], caracterizada polos seus fados lisboetas.
Traxectoria
[editar | editar a fonte]A Severa naceu en Lisboa, no barrio da Madragoa. Era filla de Severo Manuel, de etnia xitana, e Ana Gertrudes. A súa nai era propietaria dunha taberna, e era alcumada A Barbuda, debido á barba que tiña na cara.
A Severa era unha prostituta alta e graciosa, que cantaba o fado (especialmente nunha taberna da Rúa do Capelão). Tivo varios amantes coñecidos, entre eles o Conde de Vimioso (Don Francisco de Paula Portugal e Castro), que ó parecer quedaba enfeitizado pola forma como cantaba e tocaba a guitarra, levándoa frecuentemente ós touros.
Morreu de tuberculose en 1846 na rúa do Capelão, na Mouraria (Lisboa), sendo sepultada no camposanto do Alto de São João nunha foxa común.
A súa fama débese en boa parte a Júlio Dantas, que escribiu a novela A Severa. A obra foi levada ó teatro en 1901, e foi adaptada para facer a primeira película sonora portuguesa, realizada por Leitão de Barros en 1931.
