Macromia splendens

Macromia splendens
Estado de conservación
Vulnerable
Clasificación científica
Reino: Animalia Filo: Arthropoda Clase: Insecta Orde: Odonata Suborde: Epiprocta Infraorde: Anisoptera Superfamilia: Libelluloidea Familia: Corduliidae Subfamilia: Macromiinae Xénero: Macromia Especie: M. splendens
Nome binomial
Macromia splendens (Pictet, 1843)

Macromia splendens^[1] é unha especie de odonato anisóptero da familia Corduliidae endémica do sur de Francia e a Península Ibérica.

Trátase do maior cordúlido europeo, podendo alcanzar os 70 mm. O tórax é de cor verde metálico con manchas amarelas dorsais sobre fondo negro no abdome. Tende a pousarse colgando das pólas das árbores, en claros ou camiños forestais.

Trátase dunha reliquia que sobreviviu ás glaciaciones. Aínda que o xénero Macromia habita principalmente en áreas de clima tropical, das 112 especies recoñecidas só M. splendens se atopa no continente europeo.

A área de distribución desta especie limítase ó extremo sur e suroeste de Francia, centro e sur de Portugal; en España, aínda que se trata dunha especie rara e moi localizada, atópase en Galicia, Asturias, Estremadura, Cádiz e Málaga nunha altitude non superior ós 500-600 metros.

Habita en ríos anchos e algo profundos, nos treitos lentos que permiten a deposición do sedimento e o crecemento da vexetación acuática, en tramos asollados e cuxas beiras están ocupadas por vexetación de ribeira.

Wikimedia Commons ten máis contidos multimedia na categoría:  Macromia splendens

Wikispecies posúe unha páxina sobre:  Macromia splendens

• Catálogo galego de especies ameazadas