Juan Manuel Moreno

Juan Manuel Moreno
	; (2023)
Nome orixinal	(es) Juan Manuel Moreno Bonilla
Biografía
Nacemento	1 de maio de 1970 (54 anos); Barcelona, España
7º Presidencia da Xunta de Andalucía
	16 de xaneiro de 2019 – ; ← Susana Díaz
Deputado do Parlamento de Andalucía
	16 de abril de 2015 – 9 de outubro de 2018 ; Lexislatura: X lexislatura do Parlamento de Andalucía ; Circunscrición electoral: Málaga ; Electo en: Eleccións ao Parlamento de Andalucía de 2015
Senador de España
	3 de xuño de 2014 – 27 de setembro de 2017 ; Nomeado por: Parlamento de Andalucía
Presidente Partido Popular Andaluz
	1 de marzo de 2014 – ; ← Juan Ignacio Zoido
Secretario de Estado de Servizos Sociais e Igualdade
	30 de decembro de 2011 – 7 de marzo de 2014 ; ← Laura Seara – Susana Camarero →
Deputado no Congreso dos Deputados
	1 de decembro de 2011 – 9 de xaneiro de 2012 – Paloma García Gálvez → ; Lexislatura: X lexislatura de España ; Circunscrición electoral: Málaga ; Electo en: Eleccións Xerais 2011 en España
Deputado no Congreso dos Deputados
	26 de marzo de 2008 – 13 de decembro de 2011 ; Lexislatura: IX lexislatura de España ; Circunscrición electoral: Málaga ; Electo en: Eleccións Xerais 2008 en España
Deputado no Congreso dos Deputados
	1 de marzo de 2007 – 15 de xaneiro de 2008 ; ← Manuel Atencia Robledo ; Lexislatura: VIII lexislatura de España ; Circunscrición electoral: Málaga ; Electo en: Eleccións Xerais 2004 en España
Deputado no Congreso dos Deputados
	28 de marzo de 2000 – 2 de abril de 2004 ; Lexislatura: VII lexislatura de España ; Circunscrición electoral: Cantabria ; Electo en: Eleccións Xerais 2000 en España
Deputado do Parlamento de Andalucía
	3 de marzo de 1996 – 12 de marzo de 2000
Concelleiro de Málaga
	17 de xuño de 1995 – 27 de abril de 1997
Datos persoais
Relixión	Catolicismo
Educación	Universidade Camilo José Cela - protocolo ; Universidade de Navarra
Actividade
Lugar de traballo	Madrid
Ocupación	político
Partido político	Partido Popular (1989–)
Membro de	Partido Popular Andaluz
Premios
	(2014) Gran Cruz da Orde de Isabel a Católica ;
	Sinatura

Juan Manuel Moreno Bonilla, nado en Barcelona o 1 de maio de 1970, coñecido como Juanma Moreno, é un político español, actual presidente do Partido Popular Andaluz investido presidente da Xunta de Andalucía polo Parlamento de Andalucía o día 16 de xaneiro de 2019.

Traxectoria

Orixe e mocidade

Juan Manuel Moreno é neto de xornaleiros do Valle del Guadalhorce e o único fillo home de dous veciños de Alhaurín el Grande que emigraran a Cataluña: Juan Moreno Conejo, que traballou de delineante industrial na Hispano Olivetti e a SEAT, e María Bonilla, que traballou nuns grandes almacéns.^[1]^[2]^[3] Ten dúas irmás, unha máis vella e outra máis nova ca el.^[4]

Tres meses despois do seu nacemento en Barcelona, a súa familia volveu con el á provincia de Málaga, concretamente á capital, á zona da antiga estrada de Cártama, onde estudou a EXB no colexio Giner de los Ríos.^[5]

Cando Juanma Moreno tiña 14 anos, mudáronse ó barrio de Puente de las Américas da capital, onde o seu pai montou unha drogaría, na rúa Ingeniero de la Torre Acosta. Estudou no instituto Universidade Laboral de Málaga^[6] e con 16 ou 17 anos foi vocalista de varios grupos de pop-rock de ámbito local, como Lapsus Psíquico e Falsas realidades, con certa influencia de Danza Invisible.^[7]^[8]

Comezos na política

Iniciou a carreira de Psicoloxía e logo Maxisterio na Universidade de Málaga (UMA), pero axiña descubriu a súa vocación política. En 1989, con 19 anos, afiliouse ó Partido Popular. Colaborou na fundación da Asociación Popular de Estudantes, da que foi voceiro durante os cursos 1991-92 e 1992-93. Este último ano alcanzou a presidencia de Novas Xeracións de Málaga e no curso 1993-94 foi tamén vicedecano da Facultade de Ciencias da Educación e membro da xunta de goberno da UMA. Segundo comenta, traballou nunha pizzaría e como comercial.^[9]

Concelleiro do Concello de Málaga (1995-1997)

En 1995, con 25 anos, resultou elixido concelleiro de Mocidade e Deporte no Concello de Málaga, con Celia Villalobos como alcaldesa, así como Presidente da Xunta Municipal do distrito de Campanillas e Puerto de la Torre. Un ano despois, xa era presidente de Novas Xeracións de Andalucía.

Deputado rexional no Parlamento de Andalucía (1997-2000)

En 1997, con 27 anos, foi elixido deputado por Málaga e voceiro de Mocidade do Grupo Parlamentario Popular durante a V Lexislatura do Parlamento de Andalucía. Tamén foi elixido presidente de Novas Xeracións a nivel nacional e responsable de Política Autonómica e Local do partido.

Deputado nacional no Congreso (2000-2011)

Foi deputado nacional no Congreso durante as VII, VIII, IX e X lexislaturas, exercendo de voceiro adxunto do Grupo Popular na Comisión de Ciencia e Tecnoloxía e de Secretario na Comisión de Asuntos Sociais.

Obtivo un grao en Protocolo e Organización de Eventos pola Universidade Camilo José Cela, ademais de varios títulos propios (Titulado Superior Universitario en Protocolo e Relacións Institucionais pola Universidade Camilo José Cela, Mestría en Dirección e Administración de Empresas pola Escola Autónoma de Dirección de Empresas e Programa de Liderado para a Xestión Pública por IESE Business School) e un premio (máster de Ouro do Real Fórum de Alta Dirección).^[10]

En setembro de 2006 casou coa politicóloga granadina Manuela Villena.

Secretario de Estado de Servizos Sociais e Igualdade (2011-2014)

Tralo seu nomeamento como secretario de Estado de Servizos Sociais e Igualdade o 30 de decembro de 2011, impulsou e participou na redacción dos seguintes plans e leis:^[11]

Plan Estratéxico Nacional de Infancia e Adolescencia 2013-2016.^[12]
Estratexia para a Erradicación da Violencia de Xénero.^[13]
Lei Xeral de Dereitos das Persoas con Discapacidade.^[14]
Plan Nacional de Inclusión Social.^[15]

Candidato á Presidencia da Xunta de Andalucía (2014-presente)

O 1 de marzo de 2014, unhas semanas despois do falecemento do seu pai, foi elixido presidente do PP de Andalucía e candidato á Presidencia da Xunta de Andalucía.^[16] Ante este novo desempeño, e malia ter vivenda en Málaga, mudouse coa súa familia ó concello sevillano de Alcalá de Guadaíra.^[17] No 15º Congreso Autonómico do PP Andaluz, celebrado do 17 ao 19 de marzo de 2017 no Palacio de Feiras e Congresos de Málaga, foi reelixido para o cargo para os catro anos seguintes. Converteuse así no primeiro presidente do PP Andaluz elixido directamente polos afiliados no sistema de dobre volta, obtendo o 98,95% dos votos dos afiliados na primeira volta e o 95,04% na segunda.

Notas

↑ "Hijo de emigrantes y nieto de jornalero".
↑ "Moreno Bonilla, el 'tapado' de... Twitter".
↑ "Un 'cocinero' en la calle Génova".
↑ "El malagueño cercano que ha conquistado Madrid".
↑ "La 'cara B' de los candidatos".
↑ "Un nieto de jornalero para cambiar al PP-A".
↑ "Juan Manuel Moreno Bonilla: Los días de carretera del vocalista pop".
↑ "Moreno Bonilla, vocalista de 'Falsas Realidades' en institutos y pueblos".
↑ "Moreno Bonilla se reunirá en breve con Cospedal".
↑ Currículum, en información de el diario.es
↑ "Secretaria de Estado de Servicios Sociales e Igualdad". Arquivado dende o orixinal o 27 de outubro de 2017. Consultado o 16 de xaneiro de 2019.
↑ "Plan Estratégico Nacional de Infancia y Adolescencia 2013-2016". Arquivado dende o orixinal o 17 de xaneiro de 2019. Consultado o 24 de setembro de 2021.
↑ "Estrategia para la Erradicación de la Violencia de Género". Arquivado dende o orixinal o 17 de xaneiro de 2019. Consultado o 24 de setembro de 2021.
↑ "Ley General de Derechos de las Personas con Discapacidad". Arquivado dende o orixinal o 17 de xaneiro de 2019. Consultado o 24 de setembro de 2021.
↑ "Plan Nacional de Inclusión Social". Arquivado dende o orixinal o 17 de xaneiro de 2019. Consultado o 24 de setembro de 2021.
↑ "Web oficial Juanma Moreno". Arquivado dende o orixinal o 24 de agosto de 2016. Consultado o 16 de xaneiro de 2019.
↑ "Moreno pone otro rumbo al PP andaluz".

Véxase tamén

[hijo-1] "Hijo de emigrantes y nieto de jornalero".

[tapado-2] "Moreno Bonilla, el 'tapado' de... Twitter".

[cocinero-3] "Un 'cocinero' en la calle Génova".

[cercano-4] "El malagueño cercano que ha conquistado Madrid".

[caraB-5] "La 'cara B' de los candidatos".

[nieto-6] "Un nieto de jornalero para cambiar al PP-A".

[carretera-7] "Juan Manuel Moreno Bonilla: Los días de carretera del vocalista pop".

[8] "Moreno Bonilla, vocalista de 'Falsas Realidades' en institutos y pueblos".

[carretera2-9] "Moreno Bonilla se reunirá en breve con Cospedal".

[10] Currículum, en información de el diario.es

[Secretaria_de_Estado_de_Servicios_Sociales_e_Igualdad-11] "Secretaria de Estado de Servicios Sociales e Igualdad". Arquivado dende o orixinal o 27 de outubro de 2017. Consultado o 16 de xaneiro de 2019.

[12] "Plan Estratégico Nacional de Infancia y Adolescencia 2013-2016". Arquivado dende o orixinal o 17 de xaneiro de 2019. Consultado o 24 de setembro de 2021.

[13] "Estrategia para la Erradicación de la Violencia de Género". Arquivado dende o orixinal o 17 de xaneiro de 2019. Consultado o 24 de setembro de 2021.

[14] "Ley General de Derechos de las Personas con Discapacidad". Arquivado dende o orixinal o 17 de xaneiro de 2019. Consultado o 24 de setembro de 2021.

[15] "Plan Nacional de Inclusión Social". Arquivado dende o orixinal o 17 de xaneiro de 2019. Consultado o 24 de setembro de 2021.

[web_oficial_JuanMa_moreno-16] "Web oficial Juanma Moreno". Arquivado dende o orixinal o 24 de agosto de 2016. Consultado o 16 de xaneiro de 2019.

[17] "Moreno pone otro rumbo al PP andaluz".

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]