Jacki Weaver

Jacki Weaver

(2012)
Biografía
Nacemento	(en) Jacqueline Ruth Weaver 25 de maio de 1947 (77 anos) Sydney, Australia
Educación	Hornsby Girls' High School (en)
Actividade
Campo de traballo	Actuación
Lugar de traballo	Australia
Ocupación	actriz de teatro, actriz de cinema, actriz
Período de actividade	1966 -
Familia
Cónxuxe	valor descoñecido (2003–) Derryn Hinch (1997–1998), divorcio Derryn Hinch (1983–1996), divorcio valor descoñecido (1975–1977), divorcio valor descoñecido (1966–1970), divorcio
Premios
(26 de xaneiro de 2014)  Officer of the Order of Australia (en)

Jacqueline Ruth Weaver, nada en Hurstville o 25 de maio de 1947, é unha actriz australiana de teatro, cinema e televisión. Weaver salientou na década de 1970 durante a New Wave australiana polo seu traballo en filmes de Ozploitation como Stork (1971), Alvin Purple (1973) e Petersen (1974). Posteriormente protagonizou Picnic at Hanging Rock (1975), Caddie (1976), Squizzy Taylor (1982) e numerosos telefilmes, miniseries e producións australianas de obras de teatro como Death of a Salesman e A Streetcar Named Desire.

Weaver recibiu boas críticas e candidaturas ao óscar á mellor actriz secundaria polas súas participacións nos filmes Animal Kingdom (2010) e Silver Linings Playbook (2012). Nos seguintes anos apareceu nos filmes The Five-Year Engagement (2012), Parkland (2013), Magic in the Moonlight (2014), The Disaster Artist (2017), Bird Box (2018), Widows (2018), Poms (2019), Stage Mother (2020) e Father Stu (2022).

En televisión, Weaver protagonizou a serie cómica de Starz Blunt Talk (2015–2016), o thriller político de Fox Showcase Secret City (2016–2019), o thriller de Epix Perpetual Grace, LTD (2019) e a serie de ficción científica Stan Bloom (2019–2020). Desde 2021, tivo un papel recorrente como Caroline Warner na serie neo-western de Paramount Network Yellowstone.

Weaver tivo unha relación durante moitos anos con Richard Wherrett, director do Sydney Theatre Company.^[1] Estivo casada con David Price entre 1966 e 1970. Tivo un fillo en 1970 coa súa parella de entón, John Walters.^[2]

Casou con Max Hensser en 1975. Viviu con Phil Davis, antigo reporteiro criminal de Sydney, secretario de prensa de Canberra e produtor executivo para Mike Willesee, durante cinco anos ata 1981. Casou co locutor e presentador de televisión Derryn Hinch en 1983. Ela e Hinch renovaron os seus votos antes de divorciarse en 1998.

Está casada co actor Sean Taylor.^[3]

Wikimedia Commons ten máis contidos multimedia na categoría:  Jacki Weaver

• Jacki Weaver no National Film and Sound Archive