José Seijo Don
| Biografía | |
|---|---|
| Nacemento | valor descoñecido  Vilanova, España |
| Morte | 1948 A Ermida, España |
| Causa da morte | homicidio, ferida por arma de fogo |
| Actividade | |
| Ocupación | maquis, albanel |
| Membro de | |
 | |
José Seijo Don, coñecido como Seixo, nado en Vilanova (San Pedro de Nós, Oleiros) e finado na Ermida (Culleredo) cara a 1948, foi un guerrilleiro antifranquista galego.
Traxectoria
[editar | editar a fonte]Albanel, de militancia cenetista. Na noite do 10 de xullo de 1939, un grupo formado polos anarquistas José Garrido Pasandín, o seu fillo Eduardo Garrido Otero e José Seijo Don eliminaron ao falanxista e axente do Servicio de Información y Policía Militar (SIMP) José Barcia Rioboó, na Barcala. Xulgados na causa 711/39 xunto con Andrea e Encarnación García Veiga, José Garrido e o seu fillo foron condenados a morte e executados o 23 de outubro de 1940, Encarnación e Andrea foron condenadas a dez e oito anos de prisión como encubridoras.[1] José Seijo foi sobresido. Posteriormente ingresou na guerrilla.
En 1948, un grupo comandado por José María Castelo Mosquera e do que formaban parte Rosendo Sar, José Antonio Cortiñas Blas e Manuel Ramiro Souto, que se dirixían cara aos montes da Laracha, atoparon a José Seijas. Castelo cominouno a acompañalos e cando chegaron ao lugar da Ermida (Celas) disparoulle un tiro na cabeza.
Notas
[editar | editar a fonte]- ↑ La Voz de Galicia, 23-10-1940, p. 2.
Véxase tamén
[editar | editar a fonte]Bibliografía
[editar | editar a fonte]- Martínez, Lupe (2023). Guerrilleir@s antifranquistas da provincia da Coruña. Vigo: Galaxia. pp. 457–458. ISBN 978-84-1176-172-7.
