José Asensio

José Asensio

Biografía
Nacemento	18 de maio de 1892 A Coruña, España
Morte	24 de febreiro de 1961 (68 anos) Nova York, Estados Unidos de América
Educación	Instituto Cardenal Cisneros
Actividade
Ocupación	militar
Carreira militar
Lealdade	Restauración borbónica en España
Rango militar	Xeneral
Conflito	guerra civil española Batalha de Talavera de la Reina (pt)

José Asensio Torrado, nado na Coruña o 18 de maio de 1892 e finado en Nova York o 24 de febreiro de 1961, foi un militar galego.

Ingresou na Academia de Infantería de Toledo en 1907 e foi enviado ao Protectorado Español de Marrocos. En 1920 ascendeu a comandante e foi nomeado xefe do Estado Maior do Comisariado Español en África. Ao proclamarse a Segunda República Española foi nomeado xefe da Comisión Fronteiriza con Portugal, e en 1933 foi ascendido a coronel.

Nos primeiros días da Guerra civil española tomou parte no asalto ao Cuartel da Montaña de Madrid e diversas operacións nas frontes de Andújar, Málaga, Guadarrama. Ascendido a xeneral, foi nomeado Xefe do Teatro de Operacións do Centro (TOCE) e participou no frustrado asalto ao Alcázar de Toledo; fracasou igualmente, en Talavera de la Reina. En outubro de 1936 Francisco Largo Caballero nomeouno subsecretario do Ministerio da Guerra, desde onde tratou de reorganizar o exército republicano. Pouco antes de finalizar a guerra foi nomeado agregado militar da embaixada española en Washington. Trasladouse a Nova York, onde deu clases de español.^[1] En 1949, foi nomeado ministro da Guerra no Goberno da República no exilio. Finou en Nova York o 24 de febreiro de 1961.^[2]

• Ficha en galegos.info
• Biografía en exiliados.org^{[Ligazón morta]}